[ 1 ] தொழில் புரிவோம் வாருங்கள் !

இளைஞர்களை முதல் தலைமறை தொழில் முனைவோராக மாற்ற உதவும் நோக்குடன் 'தொழில் புரிவோம் வாருங்கள் !'  - என்ற தலைப்பில் வாரந்தோறும் வியாழக்கிழமை அன்று வெளியாக இருக்கின்ற தொடர் பதிவுகளில் புதிதாக தொழில் தொடங்க முனைவோருக்கு தொழில் சம்பந்தமாக ஏராளமான அனுபவங்களுடன் கூடிய தகவல்கள் இடம் பெற இருப்பதால் இவற்றை தொடர்ச்சியாகப் வாசித்துப் பயனடைமாறு தங்களை அன்புடன் கேட்டுக்கொள்கிறேன்.

மு. செ. மு. சபீர் அஹமது - திருப்பூர்

உத்தியோகம் புருசலட்ஷணம் சுய தொழில் ஓர் அங்கிகாரம், மரியாதை, சுதந்திரம், அபிவிருத்தி இப்படி அடுக்கிக் கொண்டு போகலாம் முக்கியமான ஒன்று சுய தொழில் ஓர் சுகமான சுமை. சுமையை பற்றி ஆராய்வோம் தொழிற்கல்வி இன்றைய காலத்தில் நிறைய உருவாகி இருக்கிறது ஏதோ ஒரு தொழிற் படிப்பில் கோல்டு மெடலிஸ்ட். தான் படித்த படிப்பை வைத்துக்கொண்டு நேரடியாக தொழில் [ சுயமாய் ] செய்ய வருவாரேயானால் அவரைபற்றி The habit of success என்ற நூலின் ஆசிரியர் ஹென்றிடொய் கூறுவதைப் பார்ப்போம்.

சிங்கப்பூரில் ஒரு பிஸியான ரோடு. தலைக்கு ஹெல்மேட், கை மணிக்கட்டுக்கான கார்டு கால் மூட்டுக்கான் கார்டு போன்றவற்றை அணிந்து கொண்டு பாதுகாப்பாக சைக்கிள் ஓட்டுகிறான் ஒரு இளைஞன். அட, எவ்வளவு பொறுப்பானவன் என்று நினைத்தால், அடுத்த சிக்னலில் அதே இளைஞன் சிக்னல் சிவப்பில் இருக்கும்போதே குறுக்கே பறந்துவரும் இரண்டு வாகனங்களுக்கு இடையே சைக்கிளை ஓட்டிச் செல்கிறான். என்ன ஒரு முட்டாள்தனம் ? வெளி உலகிற்கு தலை முதல் கால் வரை போட்டிருக்கும் பாதுகாப்பு கவசங்கள் அவனை நல்லதொரு பாதுகாப்பு விரும்பியாகக் காட்டினாலும், இரண்டு கார்களுக்கு நடுவே கிடைத்த கேப்பில் புகுந்து செல்வது ஹைரிஸ்க் விஷயமில்லையா ? அவனது தோற்றத்திற்கும் செயல்பாட்டுக்கும் எத்தனை வேறுபாடு ?

    

இதேபோலத்தான் நாமும். புத்திசாலித்தனத்தையும் பரிட்சை மார்க்கையும் ஒப்பிட்டுக்கொள்கிறோம். பரிட்சையில் மார்க் எடுத்தவர்கள் எல்லாம் புத்திசாலித்தனமான முடிவுகளை எடுக்கும் திறன் கொண்டவர்கள் என்று நினைக்கிறோம். பரிட்சை மார்க் என்பது சைக்கிளில் சென்ற இளைஞனிடம் தலை முதல் கால் வரை இருந்த கவசம் போன்றது. ஆனால், சிக்னல் சிவப்பு விளக்கு [ Red Signal ] இருக்கும்போது குறுக்கே செல்கிற ஹைரிஸ்க் நடவடிக்கை புத்திசாலித்தனமற்றது ! என்று விவரிக்கின்றார் ஆசிரியர் ஹென்றிடொய்.

ஓர் நிறுவனத்தில் ஒரே துறையில் 10 வருட காலம் காலம் வேலை செய்தவர் தான் முழு தகுதியானவர் என முடிவெடுத்து சுய தொழில் செய்ய முற்படுவதுவும் மேலே சொன்ன கோல்டு மெடலிஸ்ட் மாணவனின் சூழலில் 80 சதவீதம் பொருந்தக்கூடியவர்தான். இதன் விளக்கத்தை அடுத்த வாரம் விளக்கமாகப் பார்ப்போம்.

காட்டு வழியே பயணம் மேற்கொண்டவரை வழியில் சிங்கம், புலி, கரடி, போன்ற மிருகங்கள் இருக்கும் என்று அனுபவசாலி சொல்லி விடுவாறாயானால் பயமுறுத்துவதற்காக என்று நினைத்தால் அது நம் தவறு அந்த சொல்லை நாம் எச்சரிக்கையாக எடுத்துக்கொள்தல் வேண்டும்.

தொழில் புரிவது தொடரும்...

மு.செ.மு.சபீர் அஹமது