'அல்ஜிப்ரா'வின் தந்தை அல் குவாரிஸ்மி !!!

கணிதம் இன்றைய நவீன கணினிக்கு அடிப்படை என்பதை நாம் மறுக்க முடியாவிட்டாலும் இந்தியர்களும் மிகப்பெரியளவில் தங்களுடைய பங்களிப்பை இத்துறையில் செலுத்தியுள்ளனர் என்றால் மிகையல்ல.

கணிதப்பாடம் என்றாலே சிலருக்கு அலர்ஜி  இவற்றை தேர்ந்தெடுக்காமல் மற்ற பிரிவை தேர்ந்தேடுத்தோரும், கணித வகுப்புக்கு கட்டடித்து புறக்கணித்தோரும் ஏராளமாக இருப்பார்கள். கணிதப் பாடத்தைக் கடினம் என்று கருதுவோர் தாங்கள் புரிந்துகொள்வதில் ஏற்படும் குறைபாடே காரணம் என்பதை அவர்கள் மறந்து விடுகின்றனர்.

இப்படி எல்லோரையும் !? அலற வைக்கும் கணித பாடத்தில் தவிர்க்க முடியாத ஒரு பகுதி அல்ஜிப்ரா. இருபடி கோவைகளை காரணிப்படுத்தி அதன் தீர்வை எளிதாக கண்டுபிடிக்கும் முறையை கி.பி 780 ஆம் ஆண்டு குவாரிஸ்ம் என்ற இடத்தில் பிறந்த முஹம்மது இப்னு மூஸா அல் குவாரிஸ்மி அவர்களால் இன்றைய கணிதப் பாடத்தில் முக்கிய பங்கு வகிக்கும் 'அல்ஜிப்ரா' கண்டுபிடிக்கப்பட்டன. அல்ஜபர் என்ற அரபி சொல்லிருந்து தான் அல்ஜீப்ரா என்ற சொல் பிறந்தது என்பது நாம் அறிந்துகொள்ள வேண்டிய ஒன்றாகும்.

கணித வரலாற்றில் பெருமளவில் பங்காற்றிய அல்ஜிப்ராவின் தந்தை முஹம்மது இப்னு மூஸா அல் குவாரிஸ்மி அவர்கள் கி.பி. 850 ஆம் ஆண்டு ஈராக் தலைநகர் பாக்தாத் நகரில் காலமானார்.

இவர்களைப் பற்றிய கூடுதல் தகவல்களை சமீபத்தில் ஆங்கில இணையதளம்மொன்றில் நான் படித்தவை இதோ...

Muhammad ibn Musa al-Khwarizmi was a Mathematician who lived around the 780′s and has made great contributions to the world of mathematics and science. Noteworthy, though, is his development of the algorithms in the same field of mathematics. Since, in computer science, these form the basis for primary calculations, he has therefore been termed as the father of computer science. His discovery of this kind of mathematics has been used in many computer science calculations and discoveries.

Muhammad ibn Musa al-Khwarizmi was a member of the house of Wisdom in Baghdad where he contributed most of his findings and research. The house of wisdom was merely a center where research into scientific issues was done. It also conducted some teaching activities there. Interestingly, this man has also been linked to the success of modern day algebra. He based most of his works on findings that had been written by scientists and mathematicians who lived before him. But the constant studies and discoveries in mathematics have been used as the foundation for many scientific discoveries.

In an attempt to take his mathematical skills further, Muhammad ibn Musa al-Khwarizmi also made some calculations about the position of the moon. As if that was not enough, his calculations even went as far as including the position of the sun and planets. The calendars and the features of it that portray the accuracy of counting days in a year are also attributed to him and his calculations. Many of the works he did in this area were later picked up by scientists who lived after him for further development and refinement.

It can be noted from the foregoing that this scientist had done a lot of work in terms of coming up with important astrological findings and calculations that proved to be of great importance in the years that followed. But one of the most interesting features about his work is his introduction of the roman numerals in English. To date, this system is still in place and working as he had envisioned it.

Source : http://www.yesiknowthat.com/muhammad-ibn-musa-al-khwarizmi/

சேக்கனா M. நிஜாம்
இறைவன் நாடினால் ! தொடரும்...

வரலாறு : நெசவுத்தெரு சங்கம் [ Since 1913 ]

கடந்த நூற்றாண்டின் தொடக்கத்தில் சரியாக 1900 வருடங்களில் அதிரைப்பட்டினத்திலிருந்து குறிப்பாக நெசவுத்தெரு வாசிகள் தொழில் மற்றும் சம்பாத்தியம் தேடி பர்மா நாட்டை நோக்கி படையெடுத்தனர் [அன்று அவர்கள் காட்டி கொடுத்தது இன்றும் தொடருகிறது ஆனால் நாடுகள் வெவ்வேறு], சொந்த தொழில் செய்தும், சம்பளத்துக்கு வேலை செய்தும் நல்ல சம்பாத்தியம் செய்தார்கள். நிறைய பணம் சம்பாதித்தார்கள். ஓரளவு பணம் சேர்ந்தவுடன் நாம் பிறந்து வளர்ந்த ஊருக்கு/தெருவுக்கு அதன் முன்னேற்றத்திற்காக ஏதாவது செய்யவேண்டும் என்ற நோக்கம் [அது இன்றும் தொடர்கிறது] அனைவரிடையே இருந்தது. இவர்களின் முயற்சியால் சேமிப்பு முலம் சில ஆயிரங்கள சேர்ந்தன. அந்த பணத்தை ஊருக்கு எடுத்து சென்று எதாவது நல்ல காரியங்களில் ஈடுபடுத்த முயற்சி செய்தார்கள். அதன் விளைவாக தெருவாசிகள ஒன்றுகூடி விவாதம் செய்தார்கள்.

அதன்படி 1910 ம் அம்பலகாரவீடு இபுறாகீம்ஷாகிப் அவர்கள் தலைமையில் கமிட்டி அமைக்கபட்டு ஊரில் உள்ள பெரியவர்களிடம் யோசனை கேட்கப்பட்டது. நடுதெருவை சேர்ந்த சேகுதம்மி ஹாஜியார் மறறும் அரபு மரைககாயர் வாப்பா ஆகியோர் தோப்பு-துரவு வாங்கி போடுங்கள் வரும் சந்ததியர்களுக்கு பயன்படும் என்று ஆலோசனை சொன்னார்கள். மற்றவர்கள தெரு முஹல்லாவுக்கு ஒரு சங்கம் கட்டுங்கள் அதுவே சமுதாயக்கூடமாகவும் பயன்படுத்திக்கொள்ளலாம் என்றும் சொன்னார்கள்.

இரு வேறு கருத்து எழுந்ததால் தெருவிலும் இரன்டு பிரிவாக ஆகி சங்கமா, தோப்பா எனறு குழப்பத்தில் இருந்துகொண்டிருந்த்து. எனவே மேலும் ஆலோசனை பெற மேலத்தெரு அண்ணாவியார் அவர்களிடம் சென்றனர், அவர் தந்த ஆலோசனை படி சங்கம் கட்டினால் அது ஒரு சமுதாய கூடமாக அனைத்து மக்களும் பயன் படுத்த ஏதுவாக அமையும் என்ற ஆலோசனை ஏற்றுக்கொள்ளப்பட்டு அதுவே நெசவுத்தெரு வாழ் பர்மாவாசிகளுக்கு தெரிவிக்கப்பட்டு மஆதினுல் ஹஸனாத்தில இஸ்லாமிய சங்கம் என்ற பெயரையும் அங்கேயே தீர்மானித்தார்கள் .

[முக்கிய குறிப்பு: இதற்கு பதில் ஒரு பள்ளிவாசல் கட்டிருக்கலாம் என்று நினைக்கலாம் ஆனால் இன்று உள்ள “மரைக்காயர் பள்ளி” நெசவுத்தெரு எல்லைக்குள் அடங்கி இருந்ததால் அது பற்றி யாரும் விவாதிக்கவில்லை]

சரியாக 1913-16 ஆம் ஆன்டு சங்கத்திற்கு அஸ்த்திவாரம் போடப்பட்டது. சங்கம் கட்ட மண் குளத்திலேயே [மரைக்கா பள்ளிக்கும் சங்கத்துக்கும் இடையில் உள்ளது] வெட்டபட்டது..மரஙகள் மற்றும் இரும்பு பீம் பர்மாவிலிருநது நேரடியாக கப்பலில் வந்தது. மரங்கள் மற்றும் பீம் களை இன்று கிரேனின் உதவியால் மட்டுமே சாத்தியம் ஆனால் அந்த உதவி இல்லாமலே கட்டிமுடித்தார்கள்.

சரியாக 10 ஆண்டில் [கட்டிடப்பொருட்கள் பர்மா மற்றும் கேரளாவிலிருந்து வந்து சேருவதுக்கு அதிக நாள்எடுத்துக்கொண்டதாம்]. 1926 ம் ஆண்டு சங்க கட்டிடம் கட்டிமுடிக்கப்பட்டு, இதன் திறப்பு விழாவுக்கு பர்மாவிலிருந்து எல்லாரும் ஊர் வந்தார்கள். அவர்களை ரயில்வே ஸ்டேஷன் சென்று பூமாலை போட்டு வரவேற்று அழைத்து வந்தார்கள். பிறகு திரும்பி போகும் போதும் மாலை போட்டு அனுப்பி வைத்தார்களாம். இந்த பழக்கம் கொஞ்ச நாள் வரை இருந்தது.

                   

சஙகத்தின் முதல் தலைவர் இபுறாகிம்ஷா அவர்களாலும்., செயலாளர் கு.மு. காசிம். அவர்களாலும் நிர்வாகக்குழு அமைக்கபட்டது

சஙகத்தின் சார்பாக எல்லா வருஷமும் மீலாதுநபி விழா சிறப்பாக கொண்டாடுவார்கள். அதன்படி ஒரு வருடம் மீலாது விழாவுக்கு அறிஞர் அண்ணா சிறப்பு பேச்சாளராக அழைப்பு விடுக்கப்பட்டது. அன்று இரவு விடிய விடிய மழை பெய்த காரணத்தால் நடு இரவு தாண்டி வந்து சேர்ந்தார். அதற்குப்பிறகு விழா ஆரம்பித்து சிறப்பாக முடிந்தது, மேலும் விழா முடிந்தவுடன்தான் அண்ணாவுடன் அனைவருக்கும் உணவு பரிமாறப்பட்டு இரவு விருந்து நடந்தது. இந்த மீலாது விழா 1985 வரை அதே சிறப்புடன் நடந்தது.

சங்கத்தின் சிறப்பு

1. கட்டிட அமைப்பு களிமண்ணால் கட்டபட்டது.
2. சுவர்களுக்கு சுண்ணாம்பு மற்றும் முட்டை கலந்து பூச்சு பூசப்பட்டது.
3. பாடர்கள் (சுவர் ஓரங்கள்) வர்ண கலர்களால் வண்ணம் செய்து பல  பொன்மொழிகள் எழுதபட்டு இருக்கும்.

போற்றுவார் போற்றட்டும் தூற்றுவார் தூற்றட்டும் 

உன் கடமையை செய்.

எழுதப்பட்டிருந்த பொன்மொழிகளில் மேலே உள்ளது ஒரு உதாரணம்

   4.  சங்க கட்டிடம் முழுவதும் தேக்கு மரங்கள் , ஓடுகள் கேரளாவிலிருந்து வந்தது..

   5.  தெருவெல்லாம் குடிசைகள், சஙகம் மட்டும் பெரிய கட்டிடம்.
அதிராம்பட்டினத்தில் முதன்முதலில் நெசவு தெருவில்தான் சஙகமும், ஜமாத்தும் உருவானது. எல்லா வருடமும் மவுளுது  நடக்கும், அதன் கடைசி நாள் அன்று பெரிய அளவில் ஒமல் சோறு தப்ரூகாக வழங்கபடும். [இன்று சந்ததியினரிடையே விழிப்புணர்வு ஏற்பட்டு வெகுவாக குறைக்கப்பட்டுள்ளது]

  6.  சங்க கட்டிடத்தை பாதுகாப்பதற்காக காவலுக்கு ஆள் போடபட்டது. அவரை எல்லாரும் சங்கத்து அப்பா என்று அழைத்தார்கள்.

இன்றும்... சங்க கட்டிடத்தில் நடக்கும் சில முக்கிய விடயங்கள்....

1. நோன்பில் காலை முதல் லுஹர் வரை பெண்களுக்கான பயான்
2. இரவில் பெண்களுக்கான தராவீஹ் தொழுகை
3. நோன்பு கஞ்சி காய்ச்சி ஊர் முழுதும் வினியோகம்
4. வாரந்தோறும் ஜனாப் ஹாஜி அதிரை கவிஞர் மு.மு தாஹா அவர்களின்   பெண்களுக்கான சிறப்பு பயான்
5. நாள் தோறும் காலை/மாலை சிறுவர்களுக்கான குரான் மதரஸா
6. நாள் தோறும் இரவில் பெண்களுக்கான சிறப்பு குரான் & ஹதீஸ் மதரஸா
7. திருமண நிக்காஹ் வைபோகம்
8. திருமண விருந்து சமையல் மற்றும் விருந்து சாப்பிடும் கூடம்
9. தெரு ஜமாத் கூட்டம் நடக்கும் இடம்
10. அரசாங்கம் சம்பந்தப்பட்ட அலுவல்கள் [ஓட்டு கணக்கெடுப்பு, தடுப்பூசி, போலியோ, சிகிச்சை முகாம், மற்றும் பல....]

கடந்த 86 வருடங்களாக இந்த சங்கத்தை நிர்வகித்து வரும் தெரு ஜமாத் தலைவர்கள் விபரம் :

சங்க தலைவர்கள் :

1. இபுறாகிம்ஷா
2. கு.மு. காஷிம்
3. மு.மு.மீராஷாகிபு
4. மு.செ. பெரியதம்பி
5. மீ.ப. பக்கீர் முகமது
6. மு.செ. சேகுதாவூது
7. மு.சே. சேக்காதியார்
8. மு.சே. சம்சுதீன்.
9. அ.யி.செ. முகமது தம்பி
10. அ.யி.செ உமர்
11. மு.செ. அப்துல் சமது.
12. கா.மு.கலுஙகு முகமது
13. மு.மு. சம்சுதீன்
14. ப.அ.அப்துல் கரீம்
15. மு.சே. நூர் முகமது
16. செ.மு.முஸ்தபா
17. கா.மு.அகமது ஜலாலுதீன்
18. ப.அ.அப்துல் ஸமது
19. மு.மீ. தாஹா
20. மு. சேகுதாவுது.
21. அ.யி.செ. முகைதீன் அப்துல் காதர்.
22. அ.யி.செ. அப்துல் கபூர்
23. அ. முகமது முகைதீன்.

அப்துல் மாலிக் 

தகவல் உதவி :
ஜனாப். ஜெகபர் அலி
மற்றும் நெசவுத்தெருவாசிகள்...

பிலால் நகரும் அதன் சிறப்புகளும்...

பிலால் நகர் – இப்பகுதியின் வடக்கே செடியன் குளமும், தெற்கே சேது பெருவழிச்சாலையும், மேற்கே குறுகிய ரயில் ( மீட்டர் கேஜ் )பாதையும், கிழக்கே காதிர் முகைதீன் கல்லூரியும் அமைந்துள்ளன.

பெரும்பாலான இடங்கள் முள்ளும் முள்ளு சார்ந்த பகுதியாக இருந்தாலும் நமதூரைச் சேர்ந்த பல்வேறு தெருக்களிலிருந்து குடிபெயர்ந்தோராக ஏறக்குறைய ஆயிரத்து ஐநூறு பேர் வசிக்கின்றனர். இதில் பெரும்பாலானோர் ஏழை எளியோர், முதியோர், நலிவுற்றோர், கணவனால் கைவிடப்பட்டோர், அன்றாடம் தொழில் செய்து பிழைப்போர், வீட்டு வேலை செய்வோர் என்பது குறிப்பிடத்தக்கது.

மேலும் வெளியூர்வாசிகள், ஆதி திராவிடச் சகோதரர்கள் போன்றவர்கள் வசிக்கின்ற இப்பகுதியில் அடிப்படைக் கட்டமைப்பு வசதிகளான ரேஷன் கடை, ஆரம்ப சுகாதார நிலையம், பள்ளிக்கூடம், வாக்குச்சாவடி, சமுதாயக்கூடம், ஊராட்சி அலுவலகம், குடிநீர், சாலை வசதி போன்றவற்றில் பின்தங்கியிருப்பது ஒரு பெரும் குறையாக இருந்தாலும் ரியல் எஸ்டேட் முதலாளிகளுக்கு பெருத்த லாபத்தை அள்ளித்தந்த பகுதி என்ற சிறப்பைப் பெறுகின்றது. 

மஸ்ஜீத் பிலால் ( ரலி ) :

அல்லாஹ்வின் உதவியால் கடந்த 8 ஆண்டுகளுக்கு முன்பு நமதூரைச் சேர்ந்த கண்ணியத்திற்குரிய சகோதரர்களின் பெரும் முயற்சியால் கட்டி முடிக்கப்பட்ட இப்பள்ளியால் இப்பகுதி பெரும் சிறப்பைப் பெறுகின்றன. குறிப்பாக தனி மஹல்லா என்ற அந்தஸ்தை பெற்றிருக்கின்றது. இப்பள்ளியில் புனித ரமலான் மாதத்தில் வழங்கப்படும் நோன்பு கஞ்சி நமதூரில் பெரும் வரவேற்பைப் பெற்றுவருவது குறிப்பிடத்தக்கது.

பிலால் நகரின் நுழைவாயில் :

சேது பெருவழிச்சாலையில் அதிகாலை, மாலைப் பொழுதுகளில் நடை பயணம் மேற்கொள்ளும் நமதூர் சகோதரர்கள் இந்நுழைவாயிலைக் கண்டவுடன் அருகிலுள்ள பள்ளிக்கு சென்று தனது தொழுகையை நிலை நிறுத்த வேண்டும், அதன் பிறகு அருகிலுள்ள கடைகளில் சூடான/சுவையான டீ அருந்து வேண்டும் போன்ற நினைவூட்டல்களைப் பெறுகின்றனர்.

NCC : துப்பாக்கி சுடும் பயிற்சி முகாம் :

மாணவர்களிடம் ஒழுக்கம் மற்றும் நற்பண்புகளை வளர்ப்பதும். இளைஞர்கள் நாட்டு நற்பணி சேவைகளில் ஈடுபட்டு, ஆபத்து காலங்களில் ராணுவத்தினருடன் சேர்ந்து மீட்பு மற்றும் பாதுகாப்பு பணிகளில் உதவி புரியவும், மனிதனின் ஆளுமைத் தன்மையை வளர்க்கவும், நாட்டுக்காக சேவை புரிவதிலும் முழுப்பங்களிப்பு செய்வதே தேசிய மாணவர் படையின் நோக்கமாக உள்ளன. துப்பாக்கி சுடுதல், சமூக சேவையில் ஈடுபடுதல் போன்றவற்றிற்கான பயிற்சிகளிலும் ஈடுபடுகின்றனர்.

பல வருடங்களுக்கு முன்பு இப்பகுதியில் அமைந்துள்ள  NCC – துப்பாக்கி சுடும் பயிற்சி முகாமில் டமால், டுமீல், டிஸ்  என்ற சப்தத்துடன் கேட்ட ஓசைகள் இன்றோ மிகவும் அடக்கமாகக் காணப்படுகின்றன. கம்பீரமாக காட்சியளித்த மதில்சுவரோ இன்று கருவமுள்ளு பாதுகாப்புடன் கழிவறைச் செல்லும் முகாமாக இருப்பது வேதனைத் தருவதாக உள்ளது.

அதிரை தாருத் தவ்ஹீத்தின் ‘மக்தப்’ :

பிலால் நகரில் வசிக்கும் சிறார்களுக்கு குர்ஆன் ஓதிக்கொடுப்பதற்கும், பெண்களுக்கான வாராந்திர பயான் நடைபெறுவதற்கும் சமுதாய அமைப்பான அதிரை தாருத் தவ்ஹீத்தின் சார்பாக மக்தப் ஏற்படுத்தப்பட்டு வருகின்றன. இறைவன் நாடினால் இதன்மூலம் இப் பகுதியில் வசிப்பவர்கள் மார்க்கக் கல்வியை அறிந்துகொள்ளும் சிறப்பைப் பெறுவார்கள்.

பிலால் நகரின் முதல் வீடு :

கடந்த 35 ஆண்டுகளுக்கு முன்பு நடுத்தெருவைச் சார்ந்த மர்ஹூம் H. முஹம்மது புஹாரி அவர்களால் கட்டப்பட்ட இவ்வீடு இப்பகுதியின் முதல் வீடு என்ற சிறப்பைத் தட்டிச்செல்கின்றது.

காதிர் முகைதீன் கல்லூரியின் மகளிர் விடுதி :

காதிர் முகைதீன் கல்லூரி சார்பாக கட்டப்பட்ட மகளிர்க்கான தங்கும் விடுதி இப்பகுதியில் அமைந்துள்ளன. மிகப்பிரமாண்டமான இக்கட்டடத்தில் மகளிர் கல்லூரி அல்லது மகளிர் மேல் நிலைப்பள்ளி இதில் ஏதாவது ஓன்று எதிர்காலத்தில் அமையவேண்டும் என்பது இப்பகுதியில் வசிக்கும் பெரும்பாலானோர் கோரிக்கையாக இருக்கின்றது.

வாடகை வீடுகள் :

பிலால் நகர் என்றாலே வாடகை வீடுகளுக்கு பஞ்சமில்லை. குறைந்த முதலீட்டில் வீடுகள் கட்டப்பட்டு ஏழை எளியோர் பயன்பெறும் வகையில் குறைந்த வாடகைத் தொகையை நிர்ணயம் செய்து அதாவது மாதம் ஒன்றிற்கு ரூ 500/- லிருந்து ரூ 700/- வரை என்று விடப்படுகின்றன. இதில் பெரும்பாலானோர் ஏழை எளியோர், முதியோர், நலிவுற்றோர், கணவனால் கைவிடப்பட்டோர், அன்றாடம் தொழில் செய்து பிழைப்போர், வீட்டு வேலை செய்வோர் என வசித்து வருவது குறிப்பிடத்தக்கது.

குறிப்பு : இறைவன் நாடினால் மற்ற தெருக்களின் சிறப்புகளும் பதியப்படும்...
சேக்கனா M. நிஜாம்
இறைவன் நாடினால் ! தொடரும்...

“ஒளரங்கசீப்”பின் உணர வைக்கும் உயில் !

முகலாய மன்னர்களில் நீண்டகாலம் ஆட்சிப் புரிந்தவர் ஒளரங்கசீப். கிட்டத்தட்ட ஐம்பது ஆண்டுகள் ( 1657 – 1707 ).

'நான் இறந்த பிறகு எனக்கு நினைவுச் சின்னங்கள் எல்லாம் கட்டக்கூடாது. என் கல்லறை மேல் அலங்காரங்களும் இருக்கக்கூடாது. நான் குல்லாக்கள் தைத்து விற்ற பணம் 4 ரூபாய் 2 அணா. தலையணைக்கடியில் இருக்கிறது. என் உடலைப் போத்துவதற்கு அந்தப் பணத்தைப் பயன்படுத்துங்கள். அந்தப் பணத்திற்கு மேல் செலவழிக்கக் கூடாது. என் இறுதி ஊர்வலத்தில் எந்தவித ஆடம்பரமும் கூடாது. இது போக திருக்குர்ஆன் எழுதி, விற்றுச் சேர்த்த பணம்  ரூ. 350  என் கைப்பையில் உள்ளது. அது புனிதமான பணம். அதை ஏழைமக்களுக்கு கொடுத்துவிடுங்கள்.

என் கல்லறை அழகோ ஆடம்பரமோ இல்லாமல் மிகவும் எளிமையாக மண்ணால் மூடப்பட வேண்டும். ஊர்வலமோ இசை போன்றவையோ எதுவும் கூடாது. கல்லறையில் பசுமையாக செடிகள் வளரட்டும்' என்று எழுதியிருந்தார்.

உடல் மிகவும் மோசமான வேளையிலும் தவறாமல் தொழுகை நடத்தினார். குர்ஆன் படித்தார். இறைவனின் பெயரை உச்சரித்துக் கொண்டே இருந்தார்.

1707, மார்ச் 3, அஹமத் நகரில் அவரது உயிர் பிரிந்தது. அவரது உயில் படியே இறுதிச் சடங்குகள் நிறைவேற்றப்பட்டன.

நன்றி : ஒளரங்கசீப் வரலாறு
படம் : கூகிள்

மேலத்தெருவும் அதன் சிறப்புகளும் !

அதிரையில் உள்ள குறிப்பிடத்தக்க பெரிய தெருக்களில் மேலத்தெருவும் ஓன்று ஏறக்குறைய பத்தாயிரம் நபர்கள் வாழக்கூடிய தெருக்களில் முக்கியமானதாக கருதப்படுகிறது.......இதன் பரப்பளவில் பெரிய விரிவாக்கத்துடன் கூடிய சானா வயல், சவுக்கு கொல்லை, மொந்தன் கொல்லை, கொசுவான்ங் கொல்லை, ரசூல் நகர் என்ற பெயர்களில் அழைக்கப்பட்டு மக்கள்கள் குடிபெயர்ந்து வருகிறார்கள்.

இத்தெருவில் பெரிய குடும்பங்களாக அதாவது “ M.M.S , அண்ணாவியார், K.S.M, N.M.S ( சூனா ), P.M.K, சேக்கனா, V.T , கண்டசால, வாத்தி, சர்க்கரை, பெரிய மின்னார், சிறிய மின்னார், மூனா மூனா, சேனா மூனா, ஆனா மூனா, காவண்ணா, ஆனா கான, எம். எச், கர்ணா (கருணை ), சானா பானா, காவன்னா நெனா, A.K.S, N.K.S, M.A.C, A.S.M , M.R.P , ஊமினா “ போன்ற செல்லமான பெயர்களில் அழைக்கப்பட்டு வாழ்ந்து வருகிறார்கள்.( விடுபட்ட குடும்பங்களின் பெயர்களை கருத்து பகுதியில் தெரிவித்தால், இக்கட்டுரையில் இணைக்கப்படும் )

இப்பகுதிகளில் பிரபல தொழில் அதிபர்கள் வசிக்கக்கூடியவர்களாவும், அவர்களின் தொழிலாக விவசாயம் ( தென்னை, நெல் ) , தேங்காய் வணிகம், வியாபாரங்கள், சிறு விவசாய தொழிற் கூடங்கள், REAL ESTATE, SUPER MARKET கள், போக்குவரத்து வாகனங்கள், மளிகை கடைகள், ஹோட்டல்கள், பேன்சி கடைகள் என்றும் ஏழை எளியோர்களால் நடத்தக்கூடிய சிறிய தொழில்களான டீ கடை, பெட்டிக்கடை, சலூன்கள், சர்பத்-மோர் கடை, இட்லி-தோசை-இடியாப்பம் கடைகள் போன்றவைகளும் தொழிலாக உள்ளன.

குறிப்பாக வெளியூர் மற்றும் வெளிநாட்டில் வசிக்கக்கூடியவர்கள் தொழில் செய்யக்கூடியவர்களாகவும், பணிபுரியக்கூடியவர்களாவும் அதிக எண்ணிக்கையில் இருக்கிறார்கள். மேலும் இப்பகுதிகளில் வசிக்கக்கூடிய பெரும்பாலான பெண்கள் தங்களது வீட்டு பொறுப்புகளையும், தங்கள் பிள்ளைகளை பராமரிப்பதிலும் ஈடுபட்டுள்ளனர்.

இப்பகுதியை சார்ந்தவர்கள் ஆலிம்கள், ஆலிமாக்கள், சுதந்திர போராட்ட தியாகி, சமூக ஆர்வலர்கள், பிரபல அரசியல் கட்சிகள், இஸ்லாமிய அமைப்புகள், தன்னார்வ தொண்டு நிறுவனங்கள் போன்றவைகளின் நிர்வாகிகளாகவும், டாக்டர், அட்வகேட், அரசு ஊழியர்கள், பொறியாளர்கள், கணினி வல்லுனர்கள், பட்டதாரிகள் எனவும் மருத்துவம், பொறியியல், கணினி, வணிகம், தொழிற்பயிற்சிகள் போன்ற படிப்புகளை பயிலும் மாணவ மாணவிகள் எனவும், மார்க்க கல்வியை பயிலும் சிறுவர், சிறுமிகள் எனவும் உள்ளனர்.

மேலும் விளையாட்டு துறைகளிலும் சிறந்து விளங்குகிற வாலிபர்கள், விளையாட்டை ஊக்குவிக்கிற நண்பர்கள் போன்ற இவர்களால் நடத்தக்கூடிய விளையாட்டு போட்டிகளால் இத்தெரு மேலும் சிறப்படைகிறது.
இத்தெருவின் சார்பாக இரண்டு பேரூராட்சி உறுப்பினர்களும், ஒரு ரேஷன் கடையும் உள்ளது.

இத்தெருவின் முக்கியமான பகுதிகளாக கருதப்படுகிற கீழ்க்கண்ட சிலவற்றை பார்ப்போம்............

பெரிய ஜும்மா பள்ளி

ஏறக்குறைய முப்பது ஆயிரம் சகோதரர்கள் வந்து அமர்ந்து தொழுவதற்கு இட வசதிகளுடன் கூடிய பெரிய ஜும்மா பள்ளியாக ஊருக்கே பெருமை சேர்க்கிறது. நமதூரில் உள்ள அனைத்து சகோதரர்களால் ஒருமுறையாவது வந்து ஜும்மா தொழுகையை தொழுத இப்பள்ளியில் பெரிய கஃபர்ஸ்தானுடன் இணைந்து உள்ளது குறிப்பிடதக்கது. இப்பள்ளியின் நிர்வாகத்தினரால் நன்கு பராமரிக்கப்பட்டு சீரும் சிறப்புமாக காட்சி அளிக்கிறது.

செடியன் குளம்

சுமார் 3 ஹெக்டர் 39 ஏர்ஸ் பரப்பளவில் உள்ள இக்குளம் மிகவும் பழமைவாய்ந்த அதிரை மற்றும் அதனைச்சுற்றியுள்ள மக்களுக்கு மிகவும் பயன்பட்டு ஊருக்கே பெருமைச்சேர்க்கிறது. நமதூரைச் சேர்ந்த சகோதர சகோதரிகள் ஒருமுறையாவது இக்குளத்தில் நீராடி சென்றுருப்பார்கள்.

M.M.S. வாடி

நமதூரின் சார்பாக ஒரே ஒரு M. L. A ( மாயாவரம் ) , நகராட்சி தலைவர் ( மாயாவரம் ), பேரூராட்சி தலைவர்கள், அரசியல் கட்சியின் தலைவர், கோட்டை அமீர், வார்டுகளின் பிரதிநிதிகள் என்று உருவாக்கிய இடம். மேலும் பல்வேறு மத்திய, மாநில அரசியல் கட்சி தலைவர்கள், மார்க்க அறிஞர்கள், சமூக ஆர்வலர்கள், அனைத்து முஹல்லவைச் சேர்ந்த பெரியோர்கள் என்று வந்து சென்ற இடம்.

அல் பாக்கியத்துஸ் சாலிஹாத் - மஸ்ஜித்

இம்மஸ்ஜித் தெருவின் மேற்குப்பகுதியில் அமைந்து இதனை சுற்றி வசிக்கக் கூடியவர்களுக்கு பெரிதும் நன்மை பயக்கின்றது.

தாஜூல் இஸ்லாம் சங்கம்

இச்சங்கம் மிகவும் பழமை வாய்ந்ததாகவும், ஒழுக்கம் மற்றும் கட்டுப்பாடுடன் சிறந்து விளங்குகிறது. இதன் நிர்வாகிகளால் தெருவில் நடக்கக்கூடிய திருமண நிகழ்ச்சிகள் மற்றும் பொது நிகழ்ச்சிகளை நடத்தி வைப்பத்துடன், சமூகத்தில் நடைபெறும் பிரச்சனைகள் போன்றவைகளையும் தீர்த்து, நல்ல பல ஆலோசனைகளை வழங்கி சிறப்பாக செயல்படுத்தப்பட்டு வருகிறது.

மேலும் இளைஞர்களால் நடத்தப்படுகிற தாஜூல் இஸ்லாம் இளைஞர் சங்கம் ( TIYA ) மும், இத்தாய் சங்கத்துடன் இணைந்து இருப்பதால் கூடுதல் வலிமையுடன் என்னற்ற சேவைப் பணிகளை தொய்வின்றி செயல்படுத்தப்படுகிறது.

மேலும் இச்சங்கத்தை ஒட்டி அமைந்துள்ள கட்டிடத்தில் சிறுவர், சிறுமிகளுக்கான “ அல் குரான் “ ஓதுதல் பயிற்சியும் வழங்கி வருவது கூடுதல் சிறப்பாகும்.

ஹஜ்ரத் சேக் நசுருதீன் – தர்ஹா

ஆன்மிகவாதிகளின் புகழிடமாக விளங்குகிறது. மேலத்தெரு , கீழத்தெரு முஹல்லாக்கள் சார்பாக ஆண்டு தோறும் “ கந்தூரி விழா ” சிறப்பாக எடுக்கப்படுகிறது. மேலும் ” மீலாத் நபி விழா “ ஆண்டு தோறும் இவ்வரங்கில் நடைபெறுகிறது.

பெண்கள் மார்க்கெட்

பெண்களுக்காக உருவாக்கப்பட்ட இம்மார்க்கெட்டில் காய்கறிகள், இறால், மீன்கள், ஆடு, கோழி, காடை இறைச்சிகள் போன்றவைகள் விற்பனை செய்யப்படுகிறது. அனைத்து பெண்களும் பொருள்களை வாங்கிச் சென்று பயனடைகிறார்கள்.

சுலைமாக்கா “ பெட்டிக்கடை

நமதூருக்கு குலசேகரப்பட்டினத்திலிருந்து சுமார் 35 ஆண்டுகளுக்கு முன்பு வந்து ஓர் சிறிய பெட்டிக்கடை வைத்து அதன் மூலம் என்னற்ற நண்பர்களை பெற்றவர். இன்னும் அதே பெட்டிக்கடை........! மார்க்க அறிஞராகவும், பேச்சாளராகவும் சிறந்து விளங்குவது என்பது சுலைமாக்கா அவர்களுக்கு கூடுதல் சிறப்பாகும்.

சூனா வீட்டு பள்ளிக்கூடம்

“சூனா வீட்டு பள்ளிக்கூடம்” என்ற பெயருடன் அழைக்கப்படும் அரசு “ தொடக்கப்பள்ளி “ யில் 1 ம் வகுப்பு முதல் 8 ம் வகுப்பு வரை உள்ளது. ஏராளமான வல்லுனர்களை உருவாக்கிய இப்பள்ளிக்கூடத்தால் இத்தெருவிற்க்கு பெருமையே.

விளையாட்டு மைதானம்

“ வெஸ்டர்ன் ஸ்போர்ட்ஸ் கிளப் “ சார்பாக பல வகை விளையாட்டு போட்டிகள் இம்மைதானத்தில் நடத்தப்படுகிறது. குறிப்பாக இரவில் மின் ஒளிடன் நடத்தப்படுகிற வாலிபால் போட்டி மிகவும் பிரபலம். நமதூர் மற்றும் வெளியூர்களிலிருந்து போட்டியாளர்கள் கலந்துகொண்டு பரிசுகளை தட்டிச்செல்கிறார்கள்.

மேலும் இம்மைதானம், நிக்காஹ் நிகழ்ச்சிகளுக்கு விருந்து உபசரிக்கும் இடமாகவும் பயன்தறுவது கூடுதல் சிறப்பாகும்.

சிறுவர் பூங்கா

தாஜூல் இஸ்லாம் இளைஞர் சங்கம் ( TIYA ) சார்பாக அதன் நிர்வாகிகளால் அமைக்கப்பட்ட இச்சிறுவர் பூங்கா மூலம் இத்தெருவைச் சேர்ந்த ஏராளமான சிறுவர் சிறுமிகள், பெண்கள் என பலரும் பயனடைகிறார்கள்.

ரஹ்மது நூலகம்

M. M. S. அபுல் ஹசன் அவர்கள் நினைவாக இளைஞர்களால் நடத்தப்படுகிற ரஹ்மத் நூலகத்தால் அனைத்து தரப்பினரும் தங்களின் சமூக அரசியல், மார்க்கம், கல்வி, ஆரோக்கியம் போன்ற விழிப்புணர்வுகளுடன் கூடிய புத்தகங்கள் மற்றும் நாளிதழ்களைப் படித்து பயன்பெறுகிறார்கள்.

உடற் பயிற்சிக் கூடம்

ஒரு நேரத்தில் பெரும்பாலான வாலிபர்கள் இங்கே வந்து தங்களின் உடல் வலிமையை ஏற்றிச் செல்வார்கள். தற்பொழுது மிகவும் அடக்கமாக செயல்படுகிறது.

ஹாதியாக்கா டீ கடை

இன்றைய வயோதியர்களுக்கு ஒரு பயனுள்ள கடையாக அமைந்துள்ளது. அதிகாலை சுமார் 3 மணியளவில் திறக்கக் கூடிய இக்கடையில் டீயும், பண்ணும் வந்து சாப்பிட்டுவிட்டு அதிகாலை பசியை ஆற்றி செல்கிறார்கள். இதற்கென்று ஒரு பெரிய வயோதியர் நண்பர்கள் கூட்டமே உள்ளது.

தண்ணீர் தேக்க தொட்டி ( WATER TANK )

தமிழக முன்னாள் முதல்வர் M.G.R அவர்களால் திறந்து வைக்கப்பட்ட இத் தண்ணீர் தேக்க தொட்டி இத்தெருவில் அமைந்து இருப்பது குறிப்பிடத்தக்கது.

முடக்குண்டு குளம்

இக் குளம் பெண்களால் அதிகளவில் பயன்படுத்தப்படுகிறது.

புதுக்குளம்

இதன் பெயர் புதுக்குளம் ஆனால் குப்பைக் கழிவுகளால் பழைய குளம் போல் காட்சியளிக்கிறது.

இறைவன் நாடினால் ! தொடரும்.....................
குறிப்பு : நமதூரில் உள்ள மற்ற தெருக்களின் சிறப்புகளும் பதியப்படும் ( இன்ஷா அல்லாஹ் ! )