[ 11 ] பயண அனுபவங்கள் – சீனா

தொழுகைக்கான நேரம் வருவதை அறிந்து கொண்ட நான் எனது நண்பரையும் கூட அழைத்துக்கொண்டு நேராக ப்ரேயர் ஹாலை நோக்கி நடந்தேன். இஸ்லாமியர்களுக்கென தனியாக அவர்களின் ஐந்து கடமைகளில் ஒன்றாகிய தொழுகையை நிலை நிறுத்திக்கொள்வதற்காக கூடம்மொன்று அங்கே அமைக்கப்பட்டிருந்தன. வணிகச்சந்தையில் கலந்து கொண்டுள்ள பெரும்பாலான இஸ்லாமிய வாடிக்கையாளர்கள் இங்கு நடைபெறுகிற தொழுகையில் தவறாது கலந்துகொண்டு தங்களின் கடமையை சிறப்புடன் நிறைவேற்றிக்கொள்வது எனக்கு மகிழ்ச்சியை தந்தன.

அங்கே எனது கடமையும் நிறைவேற்றிக்கொண்டு அங்கிருந்து பகல் உணவருந்துவதற்காக எனது நண்பரையும் கூட அழைத்துக்கொண்டு நேராக உணவகம் நோக்கி நகர்ந்தோம்.

வணிகச்சந்தையில் துரித உணவகம் மற்றும் சுயமாக தேர்ந்தெடுத்து சாப்பிடும் பல வகை உணவுகள் [ Buffet ] அடங்கிய இஸ்லாமிய உணவு விடுதி ஆகியன இருந்தாலும் அதிகமானோர் துரித உணவகத்திற்கே விரும்பி செல்கின்றனர்.

பலவகை உணவுகள் [ Buffet ] அடங்கிய உணவு விடுதியைப் பொறுத்தவரை வரையறுக்கப்பட்ட எண்ணிக்கையின் அடிப்படையில் உணவுகளைப் பிரித்து இருவேறு விலைகளை நிர்ணயம் செய்து விற்பனை செய்யப்படுகின்றன. குறைந்த விலையில் விற்பனை செய்யப்படுவதால் இங்கும் கூட்டம் எப்போதும் அலைமோதும்.

நாங்கள் மெக்டொனால்ட் [ Mcdonalds ] என்ற துரித உணவகத்தை தேர்ந்தெடுத்து அங்கே சென்றோம். அங்கே தனித்தனியாக பிரிக்கப்பட்டு பல்வேறு கவுண்டர்களைக் கொண்ட ஒவ்வொரு வரிசையிலும் நின்றுகொண்டிருந்த கூட்டங்கள் எங்களை வியக்க வைத்தன காரணம் வெவ்வேறு நாடுகளிலிருந்து வருகை புரிந்திருக்கும் அனைத்து வாடிக்கையாளர்களும் இத்துரித உணவை வாங்குவதற்காக போட்டி போட்டுக்கொண்டு வரிசையில் நின்றதே !

நாங்களும் அங்குள்ள வரிசையொன்றில் நின்றவாறே கடந்துசென்று கவுண்டரை அடைந்தோம். எதிரே உள்ள விற்பனை பெண்மணியால் தரப்பட்ட உணவின் படத்துடன் கூடிய விலைப்பட்டியல் அடங்கிய அட்டையில் எங்களின் விருப்ப உணவை அவர்களிடம் சுட்டிக்காட்டினோம். குறிப்பாக சிக்கன், பீஃப் போன்ற உணவுகள் ஹலால் செய்யப்படவில்லை என்பதால் எங்களின் சாய்ஸ் கடல் சார்ந்த உணவாகவே இருந்தன. அங்கே அமர்ந்து சாப்பிடுவதற்குரிய அனைத்து வசதிகளும் அந்நிறுவனத்தால் ஏற்பாடுகள் செய்யப்பட்டிருந்ததால் பேசுவதற்கு இலகுவாக ஒரு குறிப்பிட்ட இடத்தை தேர்ந்தெடுத்துக்கொண்டு அங்கே அமர்ந்தோம்.

சீன தேசத்தில் மொத்த சனத் தொகையில் 41 சதவீதத்தினர் துரித உணவையே விரும்புகின்றனர் என்பது ஆய்வு அறிக்கைகள் குறிப்பாக Mcdonalds , KFC, Pizzahut, போன்ற அன்னிய துரித உணவு வகைகளை சீன மக்கள் அதிகளவில் விரும்புகின்றனர்.  மேலும் நகரில் ஆங்காங்கே காணப்படும் துரித உணவங்களில் வேலைக்குச் செல்லும் இருபாலர்களும் தினமும் உண்டு மகிழத் தவறியதில்லை. இது போன்ற உணவுகளில் அதிகளவில் கலோரிகள் காணப்படுவதால் உடலில் கொழுப்புச்சத்து கூடுவதுடன் உடல் ஆரோக்கியத்திற்கும் கேடு விளைவிக்கக்கூடியது என்பதையும் நாம் கவனத்தில்கொள்ள வேண்டும்.

வணிகச்சந்தை நடைபெறும் பெரும்பாலான நாட்களில் சுயமாக சமைத்து சாப்பிடுவதற்கோ அல்லது சுவையுடன் கூடிய இந்திய - அரபிய உணவங்களை நாடிச்செல்வதற்கோ போதிய நேரம் இல்லை என்ற போதிலும் அதிகமான நேரங்களில் நான் எடுத்துக்கொள்ளும் உணவாக இவற்றையே பயன்படுத்தி வந்தேன். இதனாலேயே ஒவ்வொரு முறையும் சீனா சென்று திரும்பியவுடன் முதலில் எனது உடலின் இரத்தத்திலுள்ள கொழுப்பின் அளவை குறிப்பாக LDL மற்றும் Triglyceride  போன்றவற்றின் நிலைகளை அறிந்துகொள்ள பரிசோதனை நிலையத்திற்கு செல்லத் தவறியதில்லை.

செயற்கை நிறமிகளையும், சுவையூட்டிகளையும் கொண்டுள்ள இதுபோன்ற உணவுகளை ருசிக்காகவும், நறுமணத்திற்காகவும் சாப்பிடுவதிலிருந்து சற்று நாம் விலகி இருந்தால் கண்டிப்பாக இரத்தப் பரிசோதனை செய்து கொள்வதிலிருந்து சற்று விலகி இருக்கலாம். உடல் ஆரோக்கியத்தையும் பேணிப் பாதுகாக்கலாம்.

உணவருந்திக்கொண்டு இருக்கும்போது எனது அழைப்பேசி ஒலித்தது... எடுத்தேன்... மறுமுனையில்..!?

‘பயண அனுபவங்கள்’ தொடரும்...

சேக்கனா M. நிஜாம்

இது ஒரு மீள்பதிவு

[ 10 ] பயண அனுபவங்கள் – சீனா

புதிதாக தயாரிக்கப்பட்ட  மாடல் ஒன்றைக் கண்டவுடன் எங்களின் சந்தைகளாகிய  Middle East & North Africa ஆகிய இரு பகுதிகளுக்குரிய ஏற்றதொரு பொருளாக இருந்ததால் இவற்றை இறக்குமதி செய்து சந்தைப்படுத்தினால் விற்பனை படு ஜோராக இருக்கும் என்று எண்ணியவுடன் உடனடியாக ஆர்டர் எடுக்க வேண்டும் என்று தோன்றியது. பொருளின் தரம், விநியோகக் காலம், பணம் செலுத்தும் முறையில் அவர்களின் கட்டுப்பாடுகள், எங்களுடைய எதிர்பார்ப்புகள், விலை பேரம் பேசுதல் போன்ற சாதாரண நடைமுறைகளை உறுதி செய்துவிட்டு அவர்களிடமிருந்து  Proforma Invoice  ஐ கேட்டேன்.

Proforma Invoice  என்றால் என்ன என்பது பற்றி சிறுகுறிப்பு ஒன்றை தர ஆசைப்படுகிறேன். ஒரு நிறுவனமொன்றில் விற்பனைக்காக குறிப்பிட்ட பொருள் ஒன்றை நாம் ஆர்டர் செய்யும் முன் அனைத்து விவரங்கள் அடங்கிய உத்தேச பட்டியல் ஒன்றைப் பெறுவது அவசியமானது. குறிப்பாக நாம் ஆர்டர் செய்யக்கூடிய பொருட்களின் எண்ணிக்கை, விலை, பேக்கிங் முறை, விநியோகக்காலம், பணம் செலுத்தும் முறை, வங்கி விவரங்கள், விநியோகக்கூடிய இடம் போன்றவற்றுடன் நமது கூடுதல் தேவைகள் என்ன என்பது பற்றியும் தெளிவாக அதில் குறிப்பிடப்பட வேண்டும். இறுதியாக நமது நிறுவனம் சார்பாக அவர்களிடமிருந்து விற்பனை ஒப்பந்தம் [ Sales Contract ] செய்யும் முன் இவை நமக்கு மிகவும் பயன் தரக்கூடியதாக அமையும்.

அவர்களிடமிருந்து விற்பனை ஒப்பந்தத்தை [ Sales Contract ] அனைத்து விவரங்களுடன் எனது மின்னஞ்சல் முகவரிக்கு அனுப்பக் கேட்டுக்கொண்டு அங்கிருந்து அடுத்தடுத்த பூத்தை நோக்கி நகர்ந்தேன்.

அப்போது வளைகுடா நாட்டின் ஒன்றிலிருந்து முதல் முறையாக வணிகச் சந்தையில் கலந்துகொள்வதற்காக வருகை புரிந்திருக்கும் எனது நண்பர் ஒருவரை சந்திக்க நேரிட்டது. அவரின் முகத்தை பார்த்தவுடன் தெரிந்து கொண்டேன் மிகவும் களைப்புடன் காணப்படுகிறார் என்று. அவரை அவ்வாறு காண்பது எனக்கு வியப்பில்லை என்றாலும் இவ்வணிகச்சந்தையில் பல்வேறு நிறுவனங்களின் சார்பாக இடம்பெற்றுள்ள ஏறக்குறைய 60,000 பூத்துகளைக் கொண்ட ஒவ்வொன்றிருக்கும் சென்று வருவது என்பது அவருக்கு மட்டுமல்ல நம் அனைவருக்கும் பெரும் சோர்வை ஏற்படுத்தும் என்பது உண்மை.

நான் அவரிடம் கூறினேன் ஒரே நேரத்தில் ஒவ்வொரு ஹால்களுக்கும் சென்று அதிக எண்ணிக்கையான பூத்துகளுக்கு நீங்கள் செல்வதை வீட உங்களின் சந்தைக்கு ஏற்ற பொருட்களை உற்பத்தி செய்யக்கூடிய நிறுவனங்களை மாத்திரம் தேர்ந்தெடுத்துச் சென்றால் உங்களுக்கு ஏற்படுகிற தடுமாற்றம், வீண் அலைச்சல் போன்றவற்றை தவிர்த்துக் கொள்ளலாம் என்றும், மேலும் வணிகச்சந்தையை ஏற்று நடத்தக் கூடியவர்களால் ஆங்காங்கே ஏற்பாடு செய்யப்பட்டிருக்கும் உதவி நிலையத்தை தொடர்பு கொண்டு நமக்கு தேவையான உதவியைக் கேட்டுப்பெறலாம் என்றேன்.

கடந்த வணிகச்சந்தையைக் காட்டிலும் இம்முறையும் பல்வேறு நாடுகளிலிருந்தும் வாடிக்கையாளர்கள் பெரும் திரளாக கலந்துகொண்டு சீன உற்பத்திப் பொருட்களை தங்களின் நாடுகளில் சந்தைப்படுத்துவதற்கு ஆர்வம் காட்டி வருவதை காண முடிந்தது. இதற்கு உதாரணமாக நாம் அணிந்திருக்கிற அல்லது அன்றாடம் பயன்படுத்தக்கூடிய பொருட்களில் ஏதேனும் ஒன்றாவது சீனத் தயாரிப்பாக இருக்கும்.

அந்நாட்டில் உற்பத்தி செய்யக்கூடிய ஒரு சிறிய பொருளை எவ்வாறு சந்தைபடுத்தப்பட வேண்டும் என்ற நுணுக்கத்தை நன்கு அறிந்துகொண்டு அதற்கேற்றார் போல் புதுப்புது சிந்தனையை முனைப்புடன் செயல்படுத்தி வருவார்கள். குறிப்பாக நிதி நெருக்கடி, போட்டியாளரின் விலை குறைப்பு, கச்சாப்பொருட்களின் தட்டுப்பாடு, இயந்திர கோளாறு, திடீர் விற்பனை சரிவு போன்றவற்றை எதிர் கொள்ளும் போது இவற்றை இலகுவாக சமாளிக்கும் திறனை பெற்றிருப்பார்கள். இவைகள் ஒரு காரணமாக இருப்பதனால் ஏற்றுமதி தொழிலில் போதுமான வளர்ச்சி பெற்று சீனாவின் பொருளாதாரம் கொஞ்சம் கொஞ்சமாக முன்னேறி வருகிறது என்றால் மிகையல்ல.  அந்நாட்டின் தொழிற்வளர்ச்சியில் ஏற்பட்ட சிறப்பான மாற்றத்தினால் பொருளாதார வளர்ச்சி வேகத்தில் உலக அளவில் சீனா முதலிடத்தில் உள்ளது என்பது குறிப்பிடத்தக்கது.

தொழுகைக்கான நேரம் வருவதை அறிந்துகொண்ட நான் எனது நண்பரையும் கூட அழைத்துக்கொண்டு நேராக ப்ரேயர் ஹாலை நோக்கி நடந்தேன்...

சேக்கனா M. நிஜாம்
இறைவன் நாடினால் ‘பயண அனுபவங்கள்’ தொடரும்...

[ 9 ] பயண அனுபவங்கள் – சீனா

ஸ்ஸீ” “ ஸ்ஸீ “ Xie Xie  [ நன்றி வருகிறேன் ] எனச்சொல்லி மகிழ்ச்சியோடு விடை பெற்றுக்கொண்டு அடுத்த பூத்திற்கு சென்று கொண்டு இருந்தேன். அப்போது எனக்கு எதிரே இன்ப அதிர்ச்சியாக எனது நிறுவனத்தின் உரிமையாளர் !

பரஸ்பரம் நலம் விசாரிப்புகளை முடித்துக்கொண்டு தான் வழக்கமாக தங்கி வரும் ஹோட்டலைப் பற்றிக் கூறினார். இங்கே ஒன்றைக் குறிப்பிட ஆசைப்படுகிறேன். வணிகச் சந்தைகள் நடைபெறும் தினங்களில் குவாங்சோ நகரிலுள்ள தர சான்றிதழ் பெற்றுள்ள அனைத்து தங்குமிடங்களிலும் வாடகையை கணிசமாக உயர்த்திருப்பார்கள். உதாரணமாக சாதாரண நாட்களில் இரன்று மூன்று தர சான்றிதழ் பெற்றுள்ள தங்குமிடங்களில் நாள் ஒன்றுக்கு USD 100 என்றால் வணிகச் சந்தை நடைபெறக்கூடிய தினங்களில் USD 500 என நிர்ணயித்து இருப்பார்கள். எனது நிறுவனத்தால் எனக்காக ஏற்பாடு செய்யப்பட்டிருந்த அடுக்குமாடி குடியிருப்பு வீட்டில் நான் தங்குவதை வாடிக்கையாக கொண்டுள்ளேன். காரணம் செலவீனங்களை கட்டுப்படுத்துவதோடு மட்டுமல்லாமல் பாதுகாப்பானதாகவும் இருக்கும். மேலும் சுயமாக சமைத்து உணவருந்துவதற்கும் ஏற்றதொரு இடமாக இருக்கும். ஏராளமான தொழிலதிபர்கள் தங்களின் தொழில் நிமித்தமாக வருகை தரும் போது அவர்கள் தங்கிச்செல்வதற்கு இது போன்ற அடுக்குமாடி குடியிருப்பு வீடுகளைத் தேர்ந்தெடுக்கின்றனர் என்பது குறிப்பிடத்தக்கது.
ஒவ்வொரு நிறுவனங்களின் சார்பாக அமைக்கப்பட்டுள்ள அனைத்து பூத்துகளுக்கும் செல்ல வேண்டியிருப்பதால் தனித்தனியே கவனம் செலுத்துவது என்று முடிவு செய்து ஆளுக்கொரு பகுதிகளை பிரித்துக்கொண்டோம்.

நாங்கள் குளிர் காலத்தில் சென்றிருந்தாலும் நமது கவனம் கோடை காலத்திற்குரிய பொருட்கள் மீதே இருக்க வேண்டும் என்பதையும் சிறு சிறு நிறுவனங்களுக்கு முதலில் செல்வது என்றும் இறுதியாக பெரிய நிறுவனங்களுக்கு செல்லலாம் என்ற எனது கருத்தை எனது நிறுவனத்தின் உரிமையாளரிடம் உறுதிபடுத்திவிட்டு விடைபெற்று அவ்விடத்தை விட்டு நகர்ந்து சென்று அருகிலுள்ள வீட்டு உபயோக சிறிய மின் சாதனங்களை [ Small Home Appliances ] தயாரிக்ககூடிய ஒரு நிறுவனத்திற்குச் சென்றேன்.
அங்கே தினமும் என்னோடு மின்னஞ்சலில் தொடர்பு கொள்ளும் விற்பனை பிரிவில் பணிபுரியும் நிர்வாகியை முதன் முதலாகப் பார்த்தவுடன் முகத்தில் இருவருக்கும் மட்டற்ற மகிழ்ச்சி.

பொதுவாக சீன நிறுவன அலுவலகங்களில் ஆங்கில மொழி பேசும் திறனால் ஆண்களை வீட அதிகளவில் பெண்களே பணிபுரிந்து வருவது வாடிக்கையாக உள்ளது. இவர்கள் பேசும் ஆங்கிலத்தின் உச்சரிப்பில் சிறிது மாற்றம் இருந்தாலும் சற்று அமைதியாக நாம் கவனித்தால் அவர்கள் நிதானத்துடன் தங்களின் வாடிக்கையாளர்களுக்கு பதிலளிப்பது சற்று வித்தியாசமாக இருக்கும்.

இன்றைய தினத்தில் சீனாவில் ஆங்கிலம் கற்போரின் எண்ணிக்கை நாளுக்கு நாள் அதிகரித்துக் கொண்டே வந்தாலும் மூவாயிரம்  எழுத்துக்களைக் கொண்ட சீன மொழியை அசராமல் பேசுபவர்கள் இருபத்தியாறு எழுத்துக்களைக் கொண்ட ஆங்கில மொழியில் அடக்கமாக பேசும் போது எனக்கு வியப்பாகவே இருந்தது.

அங்கே புதிதாக தயாரிக்கப்பட்ட  மாடல் ஒன்றைக் கண்டவுடன் எங்களின் சந்தைகளாகிய  Middle East & North Africa ஆகிய இரு பகுதிகளுக்குரிய ஏற்றதொரு பொருளாக இருந்ததால் இவற்றை இறக்குமதி செய்து சந்தைப்படுத்தினால் விற்பனை படு ஜோராக இருக்கும் என்று நான் கருதியவுடன் உடனடியாக ஆர்டர் எடுக்க வேண்டும் என்று தோன்றியது. பொருளின் தரம், விநியோகக் காலம், பணம் செலுத்தும் முறையில் அவர்களின் கட்டுப்பாடுகள், எங்களுடைய எதிர்பார்ப்புகள், விலை பேரம் பேசுதல் போன்ற சாதாரண நடைமுறைகளை உறுதி செய்துவிட்டு அவர்களிடமிருந்து  Proforma Invoice  ஐ எதிர்பார்த்தேன்.

அது என்ன Proforma Invoice  !?

சேக்கனா M. நிஜாம்
இறைவன் நாடினால் ‘பயண அனுபவங்கள்’ தொடரும்...

[ 8 ] பயண அனுபவங்கள் – சீனா

சுவையான ‘கிரீன் டீ’ யை அருந்திக்கொண்டே எங்களின் பேச்சு சந்தை நிலவரம், எரிபொருள் மற்றும் காப்பர் போன்றவற்றின் விலையேற்றத்தைப் பற்றி அமைந்தது.

அப்போது எனது பேச்சு ‘எக்ஸ்க்ளுசிவ்’ பற்றி அமைந்தன. தொழில்துறையில் எனக்கு பிடிக்காத வார்த்தை என்றால் அது ‘எக்ஸ்க்ளுசிவாகத்தான் இருக்கும் காரணம் உற்பத்தியாளர்கள் ‘எக்ஸ்க்ளுசிவ்’ என்ற பெயரில் தங்களின் நிறுவனங்களில் உற்பத்தி செய்யக்கூடிய ஒரு பொருளின் ஏக போக உரிமத்தை நிபந்தனையின் அடிப்படையில் ஒரு குறிப்பிட்ட சந்தைகளின் வாடிக்கையாளர்களுக்கு மட்டும் வழங்குவதே ! இவ்வாறு செய்வதனால் வாடிக்கையாளர்கள் அப்பொருளை விருப்பம் போல் விலையை நிர்ணயித்து சந்தைகளில் விற்பனை செய்வதற்குரிய வழிமுறைகள் ஏராளமாக இருப்பதும், இதனால் பாதிக்கப்படுவது நுகர்வோர் மட்டுமே என்பது குறிப்பிடத்தக்கது.

விற்பனையைப் பொறுத்து அதேபொருளை உற்பத்தியாளருடன் மீண்டும் விற்பனை ஒப்பந்தம் [Sales Contract ]  செய்யும் போது அப்பொருளுக்குண்டான விலையை கணிசமான அளவு உயர்த்துவதற்குரிய வாய்ப்புகள் அமைந்து விடுகின்றன. இதற்கும் மேலாக ‘எக்ஸ்க்ளுசிவ்’ க்கான ஒப்பந்தமிட்டும் அவற்றை உற்பத்தியாளர்கள் எல்லை மீறும் போதும் விற்பனையாளர்கள் மிகுந்த பாதிப்புக்குள்ளாவார்கள் என்பதை நாம் கவனத்தில் கொள்ள வேண்டும்.

இது ஒரு ஏமாற்று வேலை என்று நான் கருதுவதால் ‘எக்ஸ்க்ளுசிவ்’ என்ற வார்த்தை தொழில்துறையில் எனக்கு பிடிக்காமலே போய்விட்டது. இதனால் அவர்களுடன் இதைப்பற்றிய பேச்சு தொடர்வதை நான் தவிர்த்துக்கொண்டேன்.

அடுத்து எனது பார்வை காட்சிக்கு வைக்கப்பட்டிருந்த புதிய மாடல்கள் மீது பட்டன. இங்கே ஒன்றைக் குறிப்பிட ஆசைப்படுகிறேன். சீன தேசத்திலுள்ள உற்பத்தியாளர்களில் குறிப்பிட்ட சில நிறுவனங்களைப் பொறுத்த வரையில் அவர்களால் தயாரிக்கப்பட்ட புதிய மாடல்களை இது போன்ற பொருட்காட்சி சந்தைகளில் பார்வைக்கு வைப்பதை தவிர்த்துக் கொள்கின்றனர். காரணம் அதே பொருளை சிறு சிறு நிறுவனங்கள் மூலம் குறைந்த விலையில் உற்பத்தி செய்து பெரும் நஷ்டத்தை ஏற்படுத்திவிடுவார்கள் என்கிற பயம். இதனால் பார்வைக்கு வைக்கப்பட்டுள்ள பொருட்களைக்கூட புகைப்படங்கள் எடுப்பதற்கு வாடிக்கையாளர்களுக்கு அனுமதி மறுக்கப்படுகின்றன.

தொழில் துறையை பொறுத்த வரையில் வியாபார மொழி [ Business Language ] என்ற ஒன்றை தெளிவாக நாம் அறிந்துகொண்டால் இத்துறையில் நீண்ட காலத்திற்கு கோலோச்சுவதற்கு கண்டிப்பாக அவை உதவும். குறிப்பாக புதிய தொழில் முனைவோருக்கு மிகவும் பயனுள்ளதாகவும் அமையும்.

இறுதியாக கையில் வைத்துள்ள நோட் புத்தகத்தில் அவர்களால் தரப்பட்ட புதிய விலைகளின் குறிப்புகளை எடுத்துக்கொண்டு விடைபெறும் போது  அவர்களின் வேண்டுகோள்ளாக என்னை அவர்களின் தொழிற்சாலைக்கு வருகை தரும்படி அன்புடன் அழைத்தனர். அவர்களால் விடப்பட்ட அன்பு அழைப்பை ஏற்றுக்கொண்டு இங்கே மூன்று கட்டங்களாக நடைபெறும் வணிகச்சந்தையின் முதல் கட்டத்தில் கிடைக்கும் இடைவெளியின் முதல் நாளை அவர்களுக்காக ஒதுக்கினேன். அவர்களும் எனது வீட்டிலிருந்து என்னை அழைத்து செல்வதற்குரிய அனைத்து ஏற்பாடுகளும் செய்வதாகக்கூறினர்.

ஸ்ஸீ” “ ஸ்ஸீ “ Xie Xie  [ நன்றி வருகிறேன் ] எனச்சொல்லி மகிழ்ச்சியோடு விடை பெற்றுக்கொண்டு அடுத்த நிறுவனத்தின் பூத்திற்கு சென்று கொண்டு இருந்தேன். அப்போது எனக்கு எதிரே இன்ப அதிர்ச்சி ஓன்று காத்திருந்தன...

அது என்ன இன்ப அதிர்ச்சி !?

சேக்கனா M. நிஜாம்

இறைவன் நாடினால் ‘பயண அனுபவங்கள்’ தொடரும்...

[ 7 ] பயண அனுபவங்கள் – சீனா

எண்ணற்ற நண்பர்கள், உறவினர்கள் ஆகியோரின் அன்பு வேண்டுகோளுக்கிணங்க மீண்டும் எனது சீனப் பயண அனுபவங்களை தொடர்வதில் மகிழ்கின்றேன்.

இதற்காக தொலைப்பேசியிலும், மின்னஞ்சலிலும், வீடு தேடி வந்தும், என்னை நேரில் காணும் போதும் எனது எனது சீனப் பயண அனுபவங்களை தொடரச்சொல்லிக் அன்புடன் கேட்டுகொண்ட உறவினர்கள், நண்பர்கள், சகோதர, சகோதரிகள் என அனைவருக்கும் என் நன்றியை அன்புடன் தெரிவித்துக்கொள்கிறேன்.

புதிய தொழில் முனைவோருக்கு நல்லோதொரு வழிகாட்டியாக அமைய எல்லாம் வல்ல இறைவனின் நல்லருள் அனைவருக்கும் கிட்டட்டும் என்று பிரார்த்தனை செய்தவனாக மீண்டும் தொடர்கிறேன்...

சீன தேசத்தில் “Air-condition” சாதனங்களை தயாரிக்கக் கூடிய முதல் பத்து நிறுவனங்களில் ஒன்றாகிய குறிப்பிட்ட ஒரு நிறுவனத்திற்குச் சென்றேன்.

இங்கே பெரிய நிறுவனங்களைப் பொறுத்தவரையில் உலக சந்தைகளைக் கீழ் கண்டவாறு பிரித்துருப்பார்கள்

  Europe

America

Middle East & North Africa

South East Asia

Australia & New Zealand

ஒவ்வொரு சந்தைகளுக்கும் ஒரு நிர்வாகி எனவும், அவர்களுக்கு கீழ் இரு உதவியாளர்கள் என்று பணியில் அமர்த்தி அவர்களின் பணியாக வாடிக்கையாளர்களின் தேவைகள் என்ன ? என்பதை ஆய்வு செய்தல், சந்தைகளின் நிலவரம், வாடிக்கையாளரின் தேவைகளுக்கேற்ப பொருட்களின் விலைகளை உறுதி செய்தல், வாடிக்கையாளர் எதிர்நோக்கும் அனைத்து தேவைகளையும் தயாரிப்பு பிரிவுக்கு எடுத்துச்சென்று வாடிக்கையாளர் - தான் பணிபுரியும் நிறுவனம் ஆகிய இருவருக்குமிடையே ஒரு பாலமாக இருந்து தகவல் தொடர்புகளை பரிமாறிக்கொள்வது, வாடிக்கையாளரின் தேவைகளை உரிய நேரத்தில் பூர்த்தி செய்வது  போன்ற பணிகளில் ஈடுபடுவார்கள்.

சீன நிறுவனங்களைப் பொறுத்தவரையில் வாடிக்கையாளர்களை வரவேற்கும் பண்புகள் மிகச் சிறப்பாகவே இருக்கும். எந்தவித பாகுபாடுகள், ஏற்றதாழ்வுகள் இருக்காது. அவர்கள் இந்தியாவிலிருந்து வந்தவராக இருந்தாலும் சரி அல்லது அமெரிக்காவிலிருந்து வந்தவராக இருந்தாலும் சரி ஒரே மாதிரியான வரவேற்பும், அணுகுமுறையும் இருக்கும். [ ஆனா நம்மாளுக வசதி படைத்தோருக்கு ஒரு அணுகு முறை எனவும், ஏழை எளியோருக்கு  மற்றொரு அணுகு முறை எனவும் இருப்பார்கள். குறிப்பாக திருமண வைபவத்தில் நடக்கும் வரவேற்பிலும், விருந்து உபசரிப்பிலும் இவற்றைக் கண்கூடாக் காணலாம். அதே போல் ஏழை வீடுகளில் நிகழும் இறப்புகளுக்கு சென்று வரும் கூட்டமும் குறைவாகக் காணப்படும் என்பதை நாம் மறுக்க இயலாது. ] வாடிக்கையாளர்களோடு தொடர்புகளை வலுப்படுத்தும் விதமாக  நட்புடன் பழகக்கூடிய அவர்களின் அணுகுமுறை என்னை வியக்க வைத்தன.

அடுத்தது அவர்களின்  சுறுசுறுப்பு, நேரந்தவறாமை போன்றவற்றை பற்றிக் குறிப்பிட வேண்டும். தங்களின் பொறுப்பின் கீழ் எடுத்துக்கொண்ட ஒவ்வொரு வேலைகளையும் விரைவாக முடிக்க வேண்டும் என்ற எண்ணம் கொண்டவர்கள் என்பதும் இதற்காக சுறுசுறுப்புடன் செயலாற்றி எடுத்துக்கொண்ட காலத்திற்குள் வேலைகளை விரைந்து முடித்துக் கொடுத்து தங்களின் மேலாளரிடம் பாராட்டுகளைப் அவ்வப்போது பெறுவார்கள் என்பது குறிப்பிடத்தக்கது. [ இங்குள்ள சமூக அமைப்புகள் நடத்தும் கூட்டத்திற்கு நேரந்தவறாமையை கடைபிடிப்பதில் இருக்கும் இடைவெளியை கவனத்தில் கொண்டால், மிகப்பெரிய கிலோ மீட்டர் தூரத்தில் நாம் உள்ளோம் என்பதை மறுக்க இயலாது ]

அந்நிறுவனத்தின் விற்பனைப் பிரிவின் தலைமை நிர்வாகியின் பரஸ்பரம் நலம் விசாரிப்பு போன்ற வாடிக்கையான வரவேற்பை முடித்துக்கொண்டு அமர்ந்து பேச இலகுவாக முதல் தளத்திற்குச் சென்றோம்...

சுவையான ‘கிரீன் டீ’ யை அருந்திக்கொண்டே எங்களின் பேச்சு சந்தை நிலவரம், எரிபொருள் மற்றும் காப்பர் போன்றவற்றின் விலையேற்றத்தைப் பற்றி அமைந்தது.

அப்போது எனது பேச்சு ‘எக்ஸ்க்ளுசிவ்’ பற்றி அமைந்தன.

அது என்ன Exclusvie  !?

சேக்கனா M. நிஜாம்
இறைவன் நாடினால் ‘பயண அனுபவங்கள்’ தொடரும்...

பயண அனுபவங்கள் - சீனா - 1 அறிமுகம் 

பயண அனுபவங்கள் - சீனா - 2

பயண அனுபவங்கள் - சீனா - 3

பயண அனுபவங்கள் - சீனா - 3

பயண அனுபவங்கள் - சீனா - 4

பயண அனுபவங்கள் - சீனா - 5

பயண அனுபவங்கள் - சீனா - 6

[ 6 ] பயண அனுபவங்கள் – சீனா

அடையாள அட்டையைப் பெற்றுக்கொண்ட நான், மிகப்பெரிய அரங்கத்தின் நுழைவாயிலை நோக்கி பயணமானேன். நுழைவாயிலில் நடைமுறைப் பணிகளை முடித்துக்கொண்டு அருகே ராஜ கம்பீரத்துடன் காட்சியளிக்கும் உயர்ந்த சீன மனிதன் காட்சிப் பொருளாக நிற்பதைக் கண்டு வியந்தேன். காரணம் யாராலும் அவனை சிரிக்க வைக்கமுடியவில்லை !

“ குவாங்சோ “ ( Guangzhou ) நகரில் முக்கிய பகுதியாக கருதப்படுகிற இடங்களில் ஓன்று “Pazhou”  மற்றொன்று  “Liuhua”  இப்பகுதியில் அமைந்துள்ள அரங்கங்களில் நடைபெறுகின்ற இவ்வணிகச்சந்தை, மூன்று கட்டங்களாகப் பிரித்து ஒவ்வொரு கட்டங்களும் முறையே ஒரு சிறிய இடைவெளியுடன் ஒவ்வொன்றும் ஐந்து நாட்கள் நடைபெறும்.

முதல் கட்டமாக..........................................................

1.    Large Machinery and Equipment

2.    Small Machinery

3.    Bicycles

4.    Motorcycles

5.    Vehicle Spare Parts

6.    Chemical Products

7.    Hardware

8.    Tools

9.    Vehicle ( Outdoor )

10. International Pavilion

11. Household Electrical Appliances

12. Consumer Electronics

13. Lighting Equipment

14. Sanitary and Bathroom Equipment

15. Construction Machinery ( Outdoor )

16. Building and Decorative Materials

17. Computer and Communication Products

18. Electronic and Electrical Products

மேற்கண்ட வரிசைப்படுத்தப்பட்ட பொருட்கள் பல்வேறு நிறுவனங்களால் ஒவ்வொரு அரங்குகளிலும் அமைக்கப்பட்டிருக்கும்.

எனது கையில் உள்ள “ Booth No. List “ களை எடுத்து வைத்துக்கொண்டேன்.

“ Booth No. “ என்றால் என்ன  ?

ஒவ்வொரு அரங்கிலும் A, B, C, D………………………… ( Alphabetic ) என வரிசைப்படுத்தபட்டு ஒவ்வொரு நிறுவனங்களுக்கும் ஓர் “எண்” கொடுக்கப்பட்டிருக்கும்.

எடுத்துக்காட்டாக, Booth No. 20.2B7

அரங்கின் எண் : 20

தளம் ( Floor )  : 2

நிறுவனத்தின் எண் : B7

குறிப்பெடுத்து வைத்திருந்த “ Booth List “  ல் முக்கிய நிறுவனங்களைக் கண்டறிந்து அதன் அரங்குகளுக்கு ஒவ்வென்றாகப் போக எண்ணினேன்.

இதன்படி முதலாவதாக..................................

“Air-condition” சாதனங்களை தயாரிக்கக் கூடிய சீன தேசத்தில் முதல் பத்து நிறுவனங்களில் ஒன்றாகிய “ஒரு” குறிப்பிட்ட நிறுவனத்திற்குச் சென்றேன்.

இங்கே பெரிய நிறுவனங்களைப் பொறுத்தவரையில் உலக சந்தைகளைக் கீழ் கண்டவாறு பிரித்து ஒவ்வொரு சந்தைகளுக்கும் ஒர் நிர்வாகி மற்றும் அவரின் கீழ் இரு உதவியாளர்கள் என பணியில் நியமித்து இருப்பார்கள்.

1.    Europe

2.    America

3.    Middle East & North Africa

4.    South East Asia

5.    Australia & New Zealand

சீன நிறுவனங்களைப் பொறுத்தவரையில் வாடிக்கையாளர்களை வரவேற்க்கும் பண்புகள் மிகச் சிறப்பாகவே இருக்கும். எந்தவித பாகுபாடுகள், ஏற்றதாழ்வுகள் இருக்காது என்பது குறிப்பிடத்தக்கது.

அந்நிறுவனத்தின் விற்பனைப் பிரிவின் தலைமை நிர்வாகியின் வரவேற்பை முடித்துக்கொண்டு..........................

பகுதி -5- ஐ படிக்க இங்கே சொடுக்கவும்

இறைவன் நாடினால்  !   “ பயண அனுபவங்கள் ” தொடரும்.....................

[ 5 ] பயண அனுபங்கள் – சீனா

எனது அலைப்பேசி ஒலித்தது. எடுத்தேன்.... பேசினேன்..................! மறுமுனையில் என் சீன நண்பன் “ஜேம்ஸ்” எனக்காக “XingGongDong”  மெட்ரோ ஸ்டேஷனில் காத்துக்கொண்டிருப்பதைக் கூறினான்.

ரயில் மெதுவாக நின்றது.......ரயிலிருந்து இறங்கிய நான், எனது நண்பனுடன் நம்மைப்பற்றிய விவரங்களைப் பதிவு செய்து “அடையாள அட்டை” ( Badge ) பெறுவதற்காக அருகில் உள்ள ஏற்றுமதி இறக்குமதி வணிகச் சந்தையின் ( Trade Fair ) பதிவு அலுவலகத்துக்கு சென்றோம். முதல் நாள் என்பதால் கடுமையான கூட்டமாகக் காணப்பட்டது.

1.    நுழைவுக்கட்டணம் RMB 200 ( Chinese Currency ) செலுத்தி ( முதல் தடவையாக பதிவு செய்பவர்கள் மாத்திரம் இக்கட்டணத்தை செலுத்தவேண்டும் ) எனது பாஸ்போர்ட், பிஸ்னஸ் கார்டு மற்றும் இரண்டு போடோக்களைக் அவர்களிடம் கொடுத்து பதிவு செய்து அடையாள அட்டையைப் பெற்றுக்கொண்டேன்.

2.    இவ்அடையாள அட்டை வணிகச் சந்தை நடக்கும் அரங்கத்திற்குள் நாம் நுழைவதற்கு உதவும்.

3.    ஒரு முறை பதிவு செய்துவிட்டால் ஒவ்வொரு வருடமும் இருமுறை நடக்கும் இவ்வணிகச் சந்தைக்கு ( Trade Fair ) நம் நாட்டில் உள்ள சீன தூதரகத்தில் விசா பெற இலகுவாக நமது முகவரிக்கு இவ்வணிகச் சந்தையின் அமைப்பாளரால் அழைப்பிதழ் அனுப்பி வைக்கப்படும்.

4.    இவ்அடையாள அட்டையைப் பயன்படுத்தி நிரந்தரமாக வணிகச் சந்தையில் நாம் பங்குபெறலாம். 

 1957 ஆம் ஆண்டு முதல் துவங்கிய இவ் ஏற்றுமதி இறக்குமதி வணிகச் சந்தை ( Trade Fair ) ஒவ்வொரு ஆண்டும் வசந்த காலம் ( Spring ) மற்றும் இலையுதிர்க் காலம் ( Autumn ) என இரண்டு காலக் கட்டங்களில் நடைபெறுகிறது. சீன வரலாற்றில் மிக நீண்டகாலம் நீடித்து, மிகப் பெரியளவில் நடைபெறும் பல்நோக்கு சர்வதேச வர்த்தகப் பொருட்காட்சியாக, சீன வெளிநாட்டு வர்த்தகத்தின் வெளிப்பாடாகவே இவைக் கருதப்படுகிறது.

பல ஆண்டுகளாக வெற்றிகரமாக நடந்துகொண்டு இருக்கிற இவ்வணிகச் சந்தையின் ( Trade Fair ) மூலம் சீனாவின் தொழில் வளர்ச்சிகள், பொருளாதார மேம்பாடுகள் உயர்ந்த நிலையில் பல்வேறு நாடுகளைச் சேர்ந்த வாடிக்கையாளர்களின் பங்களிப்புடன் சிறந்து விளங்குவது குறிப்பிடத்தக்கது. 

 1957 ஆம் ஆண்டு முதல் துவங்கிய இவ் ஏற்றுமதி இறக்குமதி வணிகச் சந்தை ( Trade Fair ) ஒவ்வொரு ஆண்டும் வசந்த காலம் ( Spring ) மற்றும் இலையுதிர்க் காலம் ( Autumn ) என இரண்டு காலக் கட்டங்களில் நடைபெறுகிறது. சீன வரலாற்றில் மிக நீண்டகாலம் நீடித்து, மிகப் பெரியளவில் நடைபெறும் பல்நோக்கு சர்வதேச வர்த்தகப் பொருட்காட்சியாக, சீன வெளிநாட்டு வர்த்தகத்தின் வெளிப்பாடாகவே இவைக் கருதப்படுகிறது.

பல ஆண்டுகளாக வெற்றிகரமாக நடந்துகொண்டு இருக்கிற இவ்வணிகச் சந்தையின் ( Trade Fair ) மூலம் சீனாவின் தொழில் வளர்ச்சிகள், பொருளாதார மேம்பாடுகள் உயர்ந்த நிலையில் பல்வேறு நாடுகளைச் சேர்ந்த வாடிக்கையாளர்களின் பங்களிப்புடன் சிறந்து விளங்குவது குறிப்பிடத்தக்கது.

சீனர்கள் தங்கள் நாட்டில் உற்பத்திச் செய்யப்படும் ஒரு சிறிய பொருளை எவ்வாறு சந்தைப்படுத்தப்பட வேண்டும் ?

குறிப்பாக............

1.    பல்வேறு நாடுகளைச் சேர்ந்த வாடிக்கையாளர்களின் தேவைகள் என்ன ? என்பதை ஆய்வு செய்தல்

2.    திட்டமிடல்

3.    முறைப்படுத்தப்பட்ட நிர்வாகம்

4.    சர்வதேச வணிக சட்ட திட்டங்கள்

5.    மூலப் பொருள்கள் எளிய வழியில் சேகரித்தல்

6.    பொருட்களின் தரம்

7.    விலைகளை நிர்ணயம் செய்தல்

8.    எளிய வகையில் தகவல் பரிமாற்றம்

9.    எளிய வகையில் விநியோகம்

10.  சர்வதேச வணிகச் சந்தைகளில் பங்குபெருதல்

11.  விளம்பரம்

போன்ற வணிக நுணுக்கங்களை நன்கு அறிந்தவர்களாக உள்ளார்கள். நாட்டின் பொருளாதார வளர்ச்சியில் மிகப்பெரிய அளவில் பங்காற்றும் அவர்களின் திறமைகள் எனக்கு பெரும் வியப்பாகவே இருந்தது. 

சீன மாணவர்களைப் பொறுத்த வரையில் அதிகளவில் “வணிகத்” தொடர்பான படிப்புகளையே தேர்ந்தெடுத்து படிக்கிறார்கள்.  இவர்கள் பிற நாட்டினரோடு நண்பர்களாகப் பழகுவதை பெரிதும் விரும்புகிறார்கள். குறிப்பாக ஆங்கில மொழி பேசும் திறனை நன்கு வளர்த்துக்கொள்ள இது உதவும் என்பதால் இந்த கூடுதல் ஆர்வம் அவர்களிடையேக் காணப்படுகிறது.

அடையாள அட்டையைப் பெற்றுக்கொண்ட நான், உலகப்புகழ் பெற்ற மிகப்பெரிய அரங்கத்தின் நுழைவாயிலை நோக்கி பயணமானேன்.

நுழைவாயிலில் நடைமுறைப் பணிகளை முடித்துக்கொண்டு அருகே ராஜ கம்பீரத்துடன் ( ? ) காட்சியளிக்கும் ( ! )...............................................

இறைவன் நாடினால்  !   “ பயண அனுபவங்கள் ” தொடரும்.....................