முகமூடிகள் !?

இந்தியாவை ஆள்வது யார் ?
இலகுவாக அந்தயிந்த கட்சி சொல்லிடுவார்
எந்திரக் கதியில் வாழ்வுகள்
இதனால் யாவரும் சிந்திப்பதில் நோவுகள்
மந்திரம் எதுவும் இல்லை
மயக்கிடும் பணத்தின் ஆட்சி வலிமை
தந்திரமாய் உள்ளனர் சிலர்
தயவுகளால் மனசாட்ச்சி விட்டனர் பலர்

இலட்சங்கள் செலவிட சட்டம்
இதனால் இலட்ச்சியங்கள் வார்த்தையில் மட்டும்
பலக்கோடிகள் வேண்டும் வெல்ல
பாமரனை விலைக்கு வாங்க மெல்ல
சுலபமாக வெல்லவே திட்டம்
சொந்த பணத்தை இழக்க வாட்டம்
பலப்பலபச் சீமன்களிடம் கதைப்பார்
பலலட்சங்கள் கோடிகள் அவர்கள் விதைப்பார்.

பெற்றதனால் கைகட்டி நிற்பார்
பெருமை பேசும் மந்திரியும் மற்றவரும்
உற்றதேசம் வளர்ச்சி திட்டம்
உருவாக்கிடுவர் நன்றியினில் அவர்சொல் கேட்டும்
முற்றும் இவர்களின் முகமூடியில்
முழுவதும் சீமான்களே அந்தரங்க அகஆட்சியில்
குற்றம் தெரிந்தே செய்திடுவார்
கூனியும் நிமிர்ந்தே சுயலாபம் சேர்த்திடுவார்.

அந்தோ பாவம் குடிமக்கள்
அறியார் பாவம் இவர்கள் அதிகுடிமாக்கள்
இந்த இலட்ச்சங்கள் கோடிகள்
இல்லாத ஆட்சி மாற்றம் நாடிடுங்கள்
சிந்தனை செய்திட வேண்டாமா
சீர்திருத்தம் அடிப்படை அரசியலில் கொண்டிட்டே
எந்த வழியை திறந்தாலும்
ஏற்றம் எல்லோரிலும் இருப்பதே அறம்தானே

சுகமாய் பேசும் வல்லரசும்
சுலபமாய் பெருந்தொழில் அல்லும் வல்லவனும்
அகமாய் இருந்தே வகுத்திடும்
அரசியல் அதர்மம் இழிவழிகள் தகுமாமோ
உகந்த வல்லரசு ஆகிடுவோம்
உடந்தை அரசியல் அடியோடே நீக்கிடுவோம்
முகமூடிகள் ஆள வேண்டாமே
முழுவதும் மக்கள் சிந்தனை ஆள வேண்டுமே.

சுதந்திரம் இன்னும் கிடைக்கலையே
சுத்தம் எங்கும் எதிலும் காணலையே
இதமாய் பேசி வலைக்கின்றார்
இவர்களும் அடிமை வாழ்வில் வீழ்கின்றார்
முதலில் வாக்காளர் வேட்பாளர்
முழுவதும் சுயமாய் செயல்தனில் காட்டனுமே
அதர்மம் அழித்திட கூடிடுவோம்
அன்றே யாவரும் சுதந்திரம் அடைந்திடுவோம்.

நபிதாஸ்