[ 6 ] ஏன் பிறந்தாய் ?

முன்பு  ஒரு காலத்துல 

நம்ம நாட்டுக்குள்ள 

ஜாதி வெறி தலைவரித்து ஆடியது 

தாழ்த்தப்பட்ட ஜாதியினும் 

மேல் ஜாதியென்று 

பேதம் பேசும் கூட்டம் ஒன்று 

ஆளும் வர்க்கத்தினை 

தன்வய படுத்தி கொண்டு 

மனிதனை மிருகம்போல 

வதைத்ததையா 

சுட்டெரிக்கும் வெயிலில் 

வெறும் காலுடன்தான் 

நடக்க வேண்டும் 

இடுப்பு வேட்டிமட்டும் 

அவனுக்கு ஆடை ஆகும் 

தோளில் துண்டு போடுதல் ஆகாது 

எதிரே உயர்சாதி யாரும் நடந்து வந்தால் 

இடுப்பில் துணியை கட்ட வேண்டும் 

கோயில் உள்ளே நுழைய கூடாது 

கடுமையான கொடுமைகள் 

நடந்துவந்த காலமதில் 

கல்விக்கண் திறந்தது 

மடமைகள் நீக்கிடவே   சில 

மாமனிதர் உதிதன்றே 

பகுத்தறிவு போதிக்க 

இயக்கங்கள் நிறுவினரே 

நாடுஎங்கும் பரவிடவே 

கட்சியாக மாறியது 

நல்ல பல காரியங்கள் 

நடந்தேறியது தாழ்த்த பட்ட மக்களுக்கு

தனி மனித சுதந்திரம் கிடைத்ததுவே 

நாட்கள் செல்ல செல்ல 

கட்சி பணிக்கு  காசு பார்க்க 

துவங்கியதால் நல்லவர்கள் 

துரத்தப்பட்டு துஷ்ட்டர்கள் 

நுழைந்தனரே உழைக்கும் வர்க்கத்திற்கு 

நீதி கேட்க கட்சி ஒன்று பிறந்தது 

இரண்டாக உடைந்து வலது இடது ஆனது 

இதுபோல் பெருகி பெருகி 

நீதி கேட்கும் கட்சி போகி 

வீதிக்கு ஒரு கட்சி ஆனது 

நடிகனெல்லாம் தலைவனென்று 

நாரி போச்சு அரசியலும் 

நாலு படம் ஹிட் ஆனதுமே 

நான்தான் தலைவன் என்கின்றான் 

நாரி போச்சு அரசியலும் 

மீண்டும் சாதி பேரை சொல்லி 

நாட்டாண்மை செய்யுறாங்க 

நாடு எங்கே போக போவுது என்று 

எனக்கும் தெரிய வில்ல 

நாத்திகம் பேசுறவனும் சரியில்லை 

ஆதிக்கம் பேசுறவனும் சரியில்லை 

கட்சியினு சொல்லி கொண்டு 

பல்லிளிக்கும் பாதகர்கள் 

ஒட்டு கேட்கும் போதுமட்டும் 

சாந்தமாக வந்திடுவார் 

வாக்களிக்கும் போது மட்டும் 

எஜமானர் நீங்கள் என்பார் 

ஜாக்கிரதை ஜாக்கிரதை..!

ஏன் பிறந்தாய் தொடரும்...

அதிரை சித்திக்

 [ ஏன் பிறந்தாய் பகுதி ஐந்தைக் கேட்க ]