நீங்கள் செய்வது சரியா !?

ஒரு காலக் கட்டத்தில் குடும்ப தேவைகளுக்கு ஆண்கள் அலுவல்கள் வேலை நிமித்தம் வெளியில் சென்று பணம் சம்பாதிப்பதும், பெண்கள்

வீட்டில் இருந்து குழந்தைகளையும் வீட்டு வேலைகளையும் பராமரித்து சிக்கனமாக குடும்பம் நடத்தி வந்த காலம் போயி, தற்போது தேவைகள் அதிகமாகவே இருவரும் வேலைக்கு செல்ல வேண்டிய நிலைக்கு தள்ளப்பட்டுள்ளனர்.

வேலைகளுக்கு போய்விட்டு வீட்டுக்கு வந்தாலும் தொலைக்காட்சியின் தொல்லைகளிலிருந்து தப்பிக்க முடியாமல் அநேக பெற்றோர்கள் தவிக்கின்றனர். இதன் காரணத்தினால் வீட்டையும் குழந்தைகளையும் சரியான முறையில் பராமரிப்பதில்  தவறிவிடுகின்றனர் பெரும்பாலான பெற்றோர்கள்.

பெற்றோர்களே,
இப்படி உயரமான
இடத்தில் உள்ள
பொருள்களை
எடுப்பதற்கு
குழந்தைகளை
பணிக்க வேண்டாம்,
சில சமயம் அந்த
இரும்பு பீரோ
குழந்தையின் மேல்
விழுந்து விட்டால்
என்ன செய்வீர்கள் ?
நீங்கள் இப்படி செய்யலாமா ?

பெற்றோர்களே, பால் பவுடரோ அல்லது சமையலுக்கு பயன்படும் பவுடரோ எதுவாக இருந்தாலும் குழந்தைகளுக்கு கொடுக்க வேண்டாம். ஒரு வேலை தொண்டையில் அடைத்துக் கொண்டால் என்ன செய்வீர்கள் ? நீங்கள் இப்படி செய்யலாமா ?

பெற்றோர்களே, கோழி வியாபாரிகள் தெருக்களில் வந்து இப்படி வியாபாரம் செய்வார்கள், சிறு குழந்தைகளை அதற்க்கு அருகமையில் போகாதவாறு கவனித்து கொள்ளுங்கள், அப்படி அருகில் போகும் பட்சத்தில் பற்பல கிருமிகளினால் இனம் காணாத நோய்கள் தொற்றினால் என்ன செய்வீர்கள் ? நீங்கள் இப்படி செய்யலாமா ?

பெற்றோர்களே ! காய் கனிகளை வாங்கும்முன் அவைகள் வெட்டி துண்டாக்கப்படாமல் இருந்தால் மட்டும் வாங்குங்கள், வெட்டி துண்டாக்கிய நிலையில் உள்ள காய் கனிகளில் பல கிருமிகள் தொற்றிக்கொண்டு கேடு விளைவித்தால் என்ன செய்வீர்கள்? நீங்கள் இப்படி செய்யலாமா?

பெற்றோர்களே எல்லா விஷயத்திலும் மிகவும் விழிப்புணர்வோடு இருங்கள், உங்கள் வீட்டுக்கும் அன்பு குழந்தைகளுக்கும் உங்களின் விழிப்புணர்வு மிகவும் முக்கியமாது.

வாழ்க வளமுடன்

அன்புடன்,

K.M.A. ஜமால் முஹம்மது.

Consumer & Human Rights.

S/o. K.M. Mohamed Aliyar (Late)