[ 12 ] உள்ளம் கேட்குமே !? MORE…[ உள்ளம் துள்ளும் ]

உள்ளம் துள்ளும் :
நிலம் உழுது
பதமாக நீரிறைத்து
விதை போட்டு
பயிர் காத்து
கதிர் முற்றி பலன்
காணும் விவசாயி
உள்ளம் துள்ளும் !

இரவு பகல் பாராது
பாடங்கள் பல படித்து
பரிட்சைக்கு காத்திருந்து
பக்குவமாய் பதில் எழுதி
சில வாரம் காத்திருந்து
தேர்வின் வெற்றி செய்தி கேட்கும்
மாணவனின் உள்ளம் துள்ளும் !

சிந்தித்து  பல விடயம்
ஆக்கமாக  எழுதும்
எழுத்தாளன் எழுத்திற்கு
வாசகரின் கருத்துகளால்
உள்ளம்  துள்ளும் !

பத்து மாதம் சுமந்த தாய்
பல வருடங்கள் உழைத்த தந்தை
தன் பிள்ளை சான்றோன் என
பிறர் கூற செவி வழியே
உள்ளம் சென்று குளிர்ந்த
உள்ளம் துள்ளும் !

பெற்றால் தான் பிள்ளையா ?
பள்ளிக்கு வரும் மாணாக்கரும்
பிள்ளைதான் என மகிழும் ஆசான்
பெரும் பதவி பெற்ற தன் மாணவன்
என அறிந்த ஆசானின் உள்ளம் துள்ளும் !

இப்படி உழைத்து  காத்திருந்து  பலன்  அடைந்தோர் உள்ளம் மகிழச்சியால் உள்ளம் துள்ள காரணமாய் அமையும். சிறு உள்ளங்கள் துள்ள, மகிழ்வில் திளைக்க பெற்றோர்கள், உறவினர்கள் மூலம் சிறு சிறு பரிசு பொருட்கள் மூலம் மகிழ்வடைய செய்யலாம்.

நிறுவனத்தில் வேலை பார்க்கும் ஊழியர்கள் மகிழ ஊதிய உயர்வு போன்றவைகளால் உள்ளம் துள்ள புத்துணர்வோடு வேலை செய்வர்.
உறவினர் உள்ளம் துள்ள, அவர்தம் நிறை குறை அறிந்து அவர்களுக்கு உதவுவதன் மூலம் உறவில் மறுமலர்ச்சி ஏற்படும் அவர் தம் உள்ளம் துள்ளும் நம் முன்னோர் திருவிழாக்கள், பண்டிகைகள் கொண்டாடியதெல்லாம் உள்ளம் புத்துனர்வு பெறவே !

பொருளாதாரத்தில் மேம்பாடு அமைந்த நாடுகளில் மதம் சாரா பண்டிகைகள் வருடத்தில் ஆறு எழு விழாக்களாவது இருக்கும் அவை எல்லாம் உள்ளம் மகிழ்வாய்  துள்ளவே !

எனவே என் அன்பு நெஞ்சங்களே உங்கள் குடும்பம் மகிழ்வால் உள்ளம் துள்ள சுற்றுலா சென்று மழலைகள் மனம் மகிழச்செய்யுங்கள்.

மீண்டும் ஒரு தலைப்போடு அடுத்த வாரம் சந்திப்போம்...

இன்னும்  வளரும்...

'பத்திரிக்கைத்துறை நிபுணர்'

அதிரை சித்திக்

 [ உள்ளம் கேட்குமே பகுதி-11 வாசிக்க ]