வாழை இலை விருந்து வேண்டாம்
வடை பாயச இனிப்பு வேண்டாம்
காலை மாலைத் தேனீர் வேண்டாம்
கழுத்துவரை விழுங்க வேண்டாம்
காய்ந்த வயிறு
பாய்ந்து உண்ணக்
கையளவு
சோறு போதும்
எட்டு மாடி கட்ட வேண்டாம்
எக்கச் சக்க அறைகள் வேண்டாம்
பட்டுத்திரைச் சீலை வேண்டாம்
பளபளப்புச் சுவர்கள் வேண்டாம்
கொட்டும்மழை
தலையை விட்டுத்
தள்ளிக் கொட்டும்
குடிசை போதும்
கழுத்துப் பட்டை எனக்கு வேண்டாம்
கோட்டு சூட்டு எதுவும் வேண்டாம்
கப்பல் விட்டுக் காற்றில் ஏறி
கண்டம் தாண்டிப் போக வேண்டாம்
பிழைக்க ஒரு
வழியைச் சொல்லும்
பிச்சை இல்லாப்
பிழைப்புப் போதும்
குடை விரிக்கும் கண்கள் வேண்டாம்
கொட்டும் அருவிக் கூந்தல் வேண்டாம்
நடை நிமிர்த்தும் படிப்பு வேண்டாம்
நல்லினியப் பேச்சும் வேண்டாம்
உடன் அழுது
குப்பை கொட்ட
ஒருத்தி வந்தால்
எனக்குப் போதும்
இப்படியாய் இருந்த தெல்லாம்
எப்படித்தான் மாறிப் போச்சோ
ஆகாயத்தை ஓட்டை போட்டு
அதுக்கு மேல கொடியை நட்டு
ஒய்யாரமா
வளந்து வளந்து
உசுரைத் தின்னு
வாழுதோ
வேண்டும்களின் பட்டியலில்
வேளைக் கொண்ணு மாறிப் போனா
மாண்ட பின்னும் நிம்மதிக்கு
மானிடரே வாய்ப்புண்டோ
தோண்டத் தோண்டப்
புதையல்கள்
தொலைந்து போகும்
இதயங்கள்
வேண்டாம் வேண்டாம் ஆசைகள்
வேதனையின் ஊற்றுக்கள்
வேணும் எனக்கு ஒற்றை வரம்
விபரமான மேன்மை வரம்
வேண்டாம் என்றே
எண்ணும் வரம்
வேண்டும் வேண்டும்
அந்த வரம்
/// வேண்டாம் என்றே
ReplyDeleteஎண்ணும் வரம் ///
சிறப்பாக முடித்தீர்கள்... வாழ்த்துக்கள்...
வேண்டுவதும், வேண்டாமையும் பிரித்துக காட்டிய, தேன் பிழியும் தெவிட்டாத உன் கவிதை ஆசைகளை அடக்கக் கற்றுக் கொடுக்கும் ஞான வரம்; போதனைகள் பூக்கும் போதி மரம்!
ReplyDeleteசிறப்பான கவிதை
ReplyDeleteகேட்ட வரங்கள் அனைத்தும் அருமை !
நடையழகு சிறப்பாய் அமைந்துள்ளது
ReplyDeleteவாழ்த்துக்கள்
ஃஃஃஃவேண்டும்களின் பட்டியலில்
ReplyDeleteவேளைக் கொண்ணு மாறிப் போனாஃஃஃஃ
அருமையான வரிகள்
அன்புச் சகோதரன்
2013 ல் தெரிவான குறும்படங்களின் மேலான ஒரு பார்வை
வரங்கள் அனைத்தும் அருமை. இப்படியான வாழ்க்கை முறை அமைந்து விட்டால் வரத்தினை நம் மனிதர்கள் மாற்றியும் கேட்பார்கள்.
ReplyDeleteஅன்பு கவி ..
ReplyDeleteநீங்கள் வேண்டாம் என்ற சொல்
வேண்டும் ..
போதும் என்ற மனமே
பொன் செய்யும் மருந்து