[ 2 ] ஏன் சிரித்தார் கவிஞானி...? சிரிப்பது தொடர்கிறது...

இறுதி ஊர்வலம் செல்லும்போது...

கவிஞானி சிரித்ததை கண்டு ஒருவர்

சினம் கொண்டு சீறி எழுந்து 

ஏன் சிரித்தாய் இன்று ? என்று கேட்க

ஞானியின் பதில் இதோ

ஆயிர ஆயிரம் ஆண்டுகள்

வாழப்போவதை போல் 

வட்டிக்கு பணம் கொடுத்து

கொள்ளை லாபம் கண்டு

வறியோரை வதைத்த இவர்

சேர்த்த பணத்தை விட்டுவிட்டு

உண்ண வழியில்லாது 

உடுக்க வழி இல்லாது 

திரும்பா பயணம் செல்வதை கண்டேன்

சிரித்து கொண்டேன் 

வாழ்க்கை என்பது வாய்ப்பு ஆகும்

வரியவர்க்கு உதவி செய்து 

வாழ்கையிலே வளம் பெறலாம்

வட்டி எனும் கொடுமை செய்து

வறியவர் வெறுப்பை கொள்ள லாகாது

மரண மெனும் பிரியாவிடை

வெறியுடனே சேர்த்த பணம்

அவன் பிரிவை கண்டு அழவில்லை

மாறாக கட்டிடமாக சிரிக்குதப்பா

பலன் அடைந்தோர் மகிழ்கிறார்கள்

அதை கண்டு சிரிக்கிறேன்.. ஐயா !

அதிரை சித்திக்

'சிரிப்பது' தொடரும்...

[ முதல் முறை சிரித்தக் குரலை கேட்க ]