ஓநாயும் ஆட்டுக்குட்டிகளும் !?

ஒரு ஊரில் ஒரு இடையன் இருந்தார் அவருக்கு ஒரு ஆட்டு மந்தை இருந்தது தினமும் அதை மேய்த்துக்கொண்டு தனது காலத்தை போக்கி கொண்டு இருந்தார் தினமும் காலை சூரியன் உதயமானதும் ஆடுகளை மேய்பதற்காக காட்டுக்குள் செல்வார் மாலை வெயில் சாய்ந்ததும் வீடு திரும்புவார் இதுவரை ஒரு ஆடுகூட வேட்டை மிருகங்களிடம் அகப்பட்டது இல்லை.
       
ஒரு சமயம் இடையனுக்கு உடலில் ஏதோ ஒரு மாற்றம் ஏற்பட்டது  அது என்னவென்று அப்போது அவருக்கு புரியவில்லை நாட்கள் செல்ல செல்ல அவரின் குணம்,என்னம்,அனைத்திலும் ஒரு வித்தியாசமான மாற்றம். அது என்னவென்றால் ஒரு ஓநாயின் மூர்க்கம்,குணமும் அவருள் தோன்றியது ஓநாயின் குணாதிசயங்கள் அவருள் உருவெடுக்க அவர்  காட்டிற்குள் சென்றவுடன் அது அதிகமானது.
     
தான் மேய்க்கின்ற ஆட்டையே அடித்து தின்னும் அளவிற்கு அவரின் குணங்கள் மாறிப்போயின தினம் ஒரு ஆடு குறைய தொடங்கியது அவரை நம்பி ஆட்டை மேய்க்க அனுப்பியவர்கள் சிறிது காலம் கடந்தே  சுதாரித்து கொண்டார்கள் அவரை பின்தொடர்ந்து சென்று அவரின் நிலை அறிந்து மிகவும் மன வேதனை அடைந்தனர் ஊர் மக்கள் அவரிடம் ஒப்படைத்த ஆடுகளை திரும்ப பெற்றுக்கொண்டு அவருக்கு நல்ல மருத்துவம் பெற ஏற்பாடு செய்தனர் அந்த ஊர் மக்கள். இவ்வளவு நேரம் படித்தது கதைதான் இனி உண்மை சம்பவங்கள்.

இன்றைய நாளிதழ்களில் வரும் தலைப்பு செய்திகளை வருசைப்படுத்துகிறேன்... 

1. பள்ளி மாணவிகளிடம் சில்மிசம் செய்த ஆசிரியருக்கு அடி உதை 
2. டியுசன் வரும் மாணவிகளிடம் ஆபாச வார்த்தைகள் பேசிய ஆசிரியர் கைது 
3. ICU வார்டில் அட்மிட்டான பெண்ணிடம் டாக்டர் பலாத்காரம்  
4. ஐந்தாம் வகுப்பு மாணவியிடம் பாலியல் கொடுமை செய்த ஆசிரியர்! பொது மக்கள் அடி உதை  
5. ஆபாச CD விற்ற தனியார் பள்ளி ஆசிரியர் கைது 
   
இது போன்ற செய்திகள் இப்பொழுதெல்லாம் அடிக்கடி தினசரிகளில் பார்க்க முடிகிறது என்ன காரணம் தன்னுடைய மாண்பு,மகத்துவம் தெரியாமல் ஆசிரியரும்,டாக்டர்களும் அத்துமீரும்போழுது இப்படி சம்பவங்கள் நடை பெறுகிறது தொழில் செய்பவரை தொழில் அதிபர் என்றும்,கட்டுமான வேலை செய்பவரை கட்டிட தொழிலாளி என்றும் கூறும் நாம் ஆசிரியர், டாக்டர் போன்றோரை ஆசிரிய தொழில் என்றோ மருத்துவத்தொழில் என்றோ கூறுவது கிடையாது மாராக ஆசிரிய பணி மருத்துவப்பணி என்று மகத்துவமாக அழைக்கிறோம் ஆனால் அவர்களோ தினசரிகளில் தவறான செயலுக்கு தலைப்பு செய்தியாகிறார்கள் வெளியே பயிரை மேய்தல் தகுமோ? இடையனின் ஓநாய் குணம்தான் பாலியல் தொந்தரவு செய்யும் ஆசிரியர் மருத்துவர்கள் ஆவார்கள் அவர்களிடம் மனித குணம் தழைத்தோங்க செய்ய வேண்டும் தவறுகள் செய்யும் இவர்களுக்கு தண்டனை கூடுதலாக வழங்க வேண்டும் இவர்கள் ஏன் இப்படி நடக்கிறார்கள் ?  

காரணங்கள் பல கூறலாம். அது ஒவ்வொருவரின் சூழலுக்கு ஏற்ப கருத்துக்களை சொல்வார்கள் இன்று 7 ஆம் வகுப்பு மாணவி ஹார்மோன்கள் மாற்றங்களால் கல்லூரி பயிலும் பெண்களைப்போல் தோற்றம் அளிக்கிறாள் அத்தகையோர்களுக்கு குட்டை பாவாடை சிருடையாக பள்ளி நிருவாகம் கட்டாயப்படுத்துகிறது.அதுவும் ஒரு காரணமாக எடுத்துக்கொள்ளலாம்
   
பள்ளிகளில் பாடங்கள் போதிக்கப்படும் அளவிற்கு ஒழுக்கங்கள் போதிக்கப்படுவது இல்லை ஆபாசங்கள் தலை விரித்தாடுகிறது இது போன்ற எண்ணற்ற காரணங்கள் சொல்லலாம் வாசகர்களாகிய தாங்களும் காரணங்களையும் ஆலோசனைகளையும் கருத்திடுங்கள்.

அடுத்த வாரம் ஒரு உண்மை சம்பவத்தைப்பற்றி பார்ப்போம்.

தொடரும்...

  மு.செ.மு.சபீர் அஹமது